Pedro Pais Lapido, nado en Santiago de Compostela o 2 de setembro de 1841 e finado en Barcelona o 8 de febreiro de 1917, foi un xurista e político galego.
Traxectoria Doutor en Dereito pola Universidade Central de Madrid, foi letrado no corpo de Facenda, director da Caixa de Aforros de Santiago de Compostela, presidente da Real Sociedade Económica de Amigos do País de Santiago e presidente do comité executivo da Exposición Rexional de 1909. Xosé Luís Barreiro defíneo como “home de fortuna, pero sobre todo soñador de utopías (...) o grande impulsor, a máquina motora desta exposición”; parece que puxo moito diñeiro do seu propio peto (o déficit alcanzou as 265.000 pesetas), por iso en Santiago se acuñou a frase: “que o pague Pais Lapido”. Membro do Partido Conservador, foi deputado polo distrito de Noia en tres lexislaturas (1886-1896).
Obras Documentos del monasterio de Tojos-Outos, 1889.
Véxase tamén
Ligazóns externas Carta aos electores do distrito de Padrón
Categoría:Deputados de Galicia no Congreso dos Deputados Categoría:Nados en Santiago de Compostela Categoría:Nados en 1841 Categoría:Finados en 1917