O Semperoper ou Sächsische Staatsoper Dresden (en galego Ópera Estatal Saxona de Dresde) é un teatro de ópera situado na cidade de Dresden (Alemaña). Trátase do edificio da ópera do estado de Saxonia e a sede da Sächsische Staatskapelle Dresden (Orquestra Estatal Saxoa de Dresde). Está situado á beira do río Elba, en pleno centro da cidade alemá.
Foi orixinalmente construído en 1841 polo arquitecto Gotfried Semper e é considerado unha das xoias da arquitectura teatral mundial. Foi destruído durante o masivo Bombardeo de Dresden na segunda guerra mundial en 1945, aínda que foi reconstituído ata o último detalleSights and Culture, Germany - Dresden, Semper Opera House e reaberto exactamente 40 anos despois da súa destrución, o 13 de febreiro de 1985, sendo reinaugurado coa mesma ópera que se representara antes de ser destruída, Der Freischütz de Carl Maria von Weber.
Neste teatro tiveron lugar as estreas dalgunhas das máis importantes óperas alemás, incluíndo tres óperas de Richard Wagner (Rienzi, Der fliegende Holländer e Tannhäuser) e a meirande parte das de Richard Strauss.
Directores musicais No Semperoper actuaron destacados directores como:
Johann Adolph Hasse Carl Maria von Weber Carl Gottlieb Reißiger Richard Wagner Ernst von Schuch Fritz Reiner 1914-1921 Fritz Busch 1922-1933 Karl Böhm 1934-1942 Karl Elmendorff 1943-1944 Joseph Keilberth 1945-1951 Rudolf Kempe 1949-1952 Otmar Suitner 1960-1964 Kurt Sanderling 1964-1967 Herbert Blomstedt 1975-1985 Hans Vonk 1985-1990 Giuseppe Sinopoli 1992-2001 Semyon Bychkov 2001-2002 Bernard Haitink 2002-2004 Fabio Luisi 2004-2012 Christian Thielemann dende 2012
Notas
Véxase tamén
Ligazóns externas www.semperoper.de - Página oficial . Semperoper Stadt-Panorama - Vista de 360º interactiva .
Categoría:Teatros de ópera de Alemaña