Lula Carson Smith, coñecida como Carson McCullers, nada Columbus (Xeorxia) o 19 de febreiro de 1917 e finada en Nyack (Nova York) o 29 de setembro de 1967, foi unha escritora estadounidense.
Traxectoria Naceu no seo dunha familia de clase media, recibiu educación musical durante a súa infancia. Marchou a Nova York, dedicándose a traballar polo día e estudar polas noites escritura creativa na Universidade de Columbia.
En 1935 trasladouse a Carolina do Norte, onde casou en 1937 con Reeves McCullers e publicou a súa primeira novela, The Heart is a Lonely Hunter en 1940. En 1940 separouse do seu home e marchou a Nova York para vivir con George Davis, o editor de Harper's Bazaar. Volveu casar con Reeves en 1945 e deixouno de novo en 1953, tras o que el se suicida nun cuarto dun hotel en París.
Obras The Heart is a Lonely Hunter (1940) Reflections in a Golden Eye (1941) A voda (The Member of the Wedding, 1946); traducida ao galego por Laura Sáez A balada do café triste (The Ballad of the Sad Café, 1951); traducida ao galego por Salomé Rodríguez Vázquez Clock Without Hands (1961)
Véxase tamén Bibliografía Josyane Savigneau: Carson McCullers ISBN 84-7765-131-0 . Constante González Groba: "Desexo, violencia e destrucción en Reflections in a golden eye de Carson Mccullers", en Boletín Galego de Literatura nº 10 (novembro de 1993).
Categoría:Escritores dos Estados Unidos de América Categoría:Escritores en lingua inglesa Categoría:Nados en 1917 Categoría:Finados en 1967 Categoría:Nados no condado de Muscogee, Xeorxia