As acuíficas ou Aquificae son un filo de bacterias, que comprende un conxunto diverso de bacterias que viven en ambientes con condicións extremas. Atopáronse en fontes termais, pozas sulfurosas, e chemineas hidrotermais oceánicas. Membros do xénero Aquifex, por exemplo, prosperan en augas que están entre 85 e 95 °C. Son os membros dominantes na maioría das fontes termais terrestres neutras ou alcalinas por riba dos 60 graos Celsius. Son autótrofas, e son os principais fixadores de carbono nos ambientes onde viven.
Taxonomía Non hai un consenso sobre a taxonomía dos xéneros incluídos en Aquificae. Un texto estándar inclúe só os xéneros Aquifex, Calderobacterium, Hydrogenobacter, e Thermocrinis na orde Aquificales. Outras fontes consideran que, ademais dos xéneros incluídos nas familias Aquificaceae e Hydrogenothermaceae, hai outros xéneros que son incertae sedis (non clasificados), pero están situados dentro de Aquificae; ditos xéneros son: Balnearium, Desulfurobacterium, EX-H1 group, e Thermovibrio.
Cavalier-Smith postulou que Aquificae forma parte das Proteobacteria.Catalogue of Organisms: Standing the Heat
Xunto coas Thermotogae, varias especies de Aquificae son eubacterias termófilas, e algúns estudos moleculares consideran que son grupo próximos.
Filoxenia
O cladograma representa a taxonomía aceptada do grupo baseada na LPSN (List of Prokaryotic names with Standing in Nomenclature) e nos datos do NCBI (National Center for Biotechnology Information) e a filoxenia está baseada en datos das secuencias dos ARNr 16S do LTP 106 do Proxecto The All-Species Living Tree Project.All-Species Living Tree Project.
Nota: ♠ Cepas atopadas no NCBI pero non na LPSN.
Notas
Categoría:Bacterias