Eddie Daniels, nado o 19 de outubro de 1941 en Nova York, é un músico e compositor norteamericano. A súa faceta máis coñecida é a de clarinetista de jazz, porén tamén toca o saxofón soprano, alto e tenor. Así como compaxina o jazz coa música clásica.
Traxectoria
Daniels naceu no seo dunha familia xudía, sendo a súa nai orixinaria de Romanía. Creceu no barrio Brighton Beach de Brooklyn.
De adolescente comezou a interesarse no jazz cando veu a músicos que acompañaban a cantantes como Frank Sinatra, nas súas gravacións. O primeiro instrumento que tocou Eddie foi o saxofón alto e, a idade de 15 anos, xa tocara no concurso xuvenil Newport Jazz Festival.
Na facultade foi cando comezou a tocar o clarinete.
Daniel fixo varias xiras e gravacións con diferenes bandas, pequenos grupos e orquestras, aparecendo en televisión nalgunha ocasión.
A partir do ano 1980 céntrase principalmente no clarinete. Nesta década, 1989, gañou o Grammy por tocar Memos fron Paradise de Roger Kellaway.
Eddie Daniels tamén tocou con Thad Jones e recentemente foi o artista convidado na Big Path Band de Gordon Goodwin para participar no álbum Swingin' for the fences, o primeiro da banda. Participou no arranxo de Goodwin da 40 Sinfónica en sol menor de Mozart no álbum XXL e no álbum da Big Path Band The Path Pack a canción Under the wire.
No ano 2009o compositor e saxofonista suízo Daniel Schnyder compuxo o Concerto para clarinete e orquestra MATRIX 21 adicado a Eddie Daniels. Este concerto foi encargado pola Orchestre de Chambre de Lausana (Suíza) e polo que foi premiada e mundialmente recoñecida en xaneiro de 2010 en Lausana baixo a dirección de Christian Zacharias. En Estados Unidos estreouse o 18 de xullo de 2010 baixo a batuta de Jens Georg Bachmann.
Discografía Con George Benson e Joe Farrell. Benson & Farrell (CTI, 1976) Con Yusef Lateef. 10 Years Hence (Atlantic, 1974) Con Airto Moreira. Virgin Land (Salvation, 1974)
Véxase tamén Ligazóns externas Páxina oficial
Categoría:Clarinetistas dos Estados Unidos de América Categoría:Saxofonistas dos Estados Unidos de América Categoría:Nados en 1941 Categoría:Nados en Nova York