The Magnetic Fields é unha banda estadounidense de indie pop fundada e liderada por Stephin Merritt. El é o principal compositor, produtor e vocalista do grupo, ademais de tocar varios instrumentos. The Magnetic Fields é esencialmente o vehículo artístico de Merritt, xunto con outros proxectos, como The 6ths, Future Bible Heroes e The Gothic Archies. Aínda que o particular estilo da banda é normalmente tan maleable como a forma de compoñer de Merritt, as súas cancións son normalmente catalogadas como synthpop, indie pop e noise pop.
A banda publicou o seu sinxelo de estrea (e tamén o máis coñecido), "100,000 Fireflies", en 1991, cun son típico dos seus primeiros tempos caracterizado polos sintetizadores de Merritt e as voces de Susan Anway (e posteriormente do propio Stephin Merritt dende o EP House of Tomorrow en diante). Unha banda máis tradicional materializouse máis tarde, actualmente formada por Merritt, Claudia Gonson, Sam Davol e John Woo, con voces ocasionais de Shirley Simms. O seu traballo máis coñecido é o álbum conceptual en tres volumes 69 Love Songs. Foi seguido nos seguintes anos pola triloxía "sen sintes" i (2004), Distortion (2008) e Realism (2010).
Discografía Álbums de estudio Distant Plastic Trees - 1991 (Red Flame) The Wayward Bus - 1992 (PoPuP) The Charm of the Highway Strip - 1994 (Merge Records) Holiday - 1994 (Feel Good All Over) Get Lost - 1995 (Merge Records) 69 Love Songs - 1999 (Merge Records) i - 2004 (Nonesuch Records) Distortion - 2008 (Nonesuch Records) Realism - 2010 (Nonesuch Records) Love at the Bottom of the Sea - 2012 (Merge Records) 50 Song Memoir - 2017 (Nonesuch Records)
EPs The House of Tomorrow - 1992 (Harriet Records, Feel Good All Over)
Véxase tamén Ligazóns externas Páxina oficial
Categoría:Grupos musicais de Boston, Massachusetts Categoría:Grupos musicais de indie pop Categoría:Grupos musicais de synthpop Categoría:Grupos musicais formados en 1989