Mariano Hinojal Olmedo, nado en Tudela de Duero (provincia de Valladolid) o 22 de xullo de 1887 e finado en Albacete en 1944, foi un industrial e político español.
Traxectoria Fillo de Facundo Hinojal, industrial establecido en Pontevedra. Foi membro da directiva do Círculo Católico de Obreros de Pontevedra en 1913.La Voz de la Verdad, 18-12-1913, p. 1. Pertenceu ao Partido Maurista e foi elixido vogal do Comité Maurista de Pontevedra en 1919,El Progreso, 14-1-1919, p. 2. sendo elixido concelleiro en 1920.Galicia Nueva, 26-12-1920, p. 4. Na ditadura de Primo de Rivera foi nomeado concelleiro de Pontevedra e elixido segundo tenente alcalde en marzo de 1924.El Progreso, 30-3-1924, p. 3. Foi elixido secretario da Unión Patriótica de Pontevedra o 8 de setembro de 1924.El Pueblo Gallego, 10-9-1924, p. 7. Logo da dimisión do alcalde Eusebio Lerones e dos membros da Comisión Permanente por discrepancias co gobernador a mediados de setembro,El Compostelano, 17-9-1924, p. 1. foi nomeado alcalde de Pontevedra o 17 de setembro de 1924.Galicia, 18-9-1924, p. 1.El Progreso, 18-9-1924, p. 3. Permaneceu no cargo durante a ditadura. Dimitiu en outubro de 1928 e marchou coa familia para Valladolid.El Diario de Pontevedra, 20-10-1928, p. 2. Foi membro da Asociación Patronal Agrícola de Valladolid.Noticiero de Soria, 2-7-1936, p. 1. Logo do golpe de Estado do 18 de xullo de 1936 foi inspector rexional de propaganda de FET y de las JONS en Palencia.El Día de Palencia, 13-9-1937, p. 2.
Vida persoal
Casou en Tudela del Duero con Benita Martín Méndez en 1915.El Progreso, 28-10-1915, p. 2. Notas
Categoría:Alcaldes de Pontevedra Categoría:Alcaldes de Galicia durante a Restauración Categoría:Nados en Tudela de Duero Categoría:Nados en 1887 Categoría:Finados en 1944 Categoría:Personalidades sen imaxes