Benedict Saul McCarthy máis coñecido como Benni McCarthy, nado o 12 de novembro de 1977 en Cidade do Cabo (Suráfrica) é un exfutbolista que xogaba na demarcación de dianteiro centro, e un adestrador de fútbol.
Traxectoria Moi xove destacou no equipo surafricano Seven Stars e fichou polo Ajax Amsterdam, co que gañou o Campionato holandés e a Copa de Holanda na tempada 1997-98. Ao ano seguinte o equipo repetiría título gañando a Copa.
No verán de 1999 chegou ao Celta de Vigo, ao igual que os tamén dianteiros Iván Kaviedes e Mario Turdó, onde se fixo coa titularidade dende o primeiro momento. Porén, foi perdendo peso no equipo co paso das tempadas, destacando a diferenza de rendemento entre as pretempadas e a tempada propiamente dita, onde non rendía como se agardaba del.
Coa chegada de Catanha mediada a tempada 2001/02 foi cedido ao FC Porto de José Mourinho, onde realizaría unha fantástica segunda parte de campionato, marcando 12 goles en 11 encontros. Porén o seu regreso a Vigo volveu ser decepcionante.
Ao rematar este segundo período en Vigo, e tras catro tempadas nas que disputou 66 encontros e marcou 10 goles, foi definitivamente traspasado ao FC Porto.
No equipo portugués tomou parte dunha das mellores tempadas da historia do club, conquistando o Campionato portugués, a Liga de Campións e a Supercopa de Portugal, sendo McCarthy o máximo goleador da Liga portuguesa con 20 goles e marcando 4 goles máis na Copa de Europa.
Ao ano seguinte o seu rendemento baixou, marcando 11 goles. Ao inicio da tempada 2005-06 manifestou o seu desexo de xogar na Premier League, pero non o conseguiu ata o ano seguinte, cando fichou polo Blackburn Rovers. En febreiro de 2010 foi traspasado ao West Ham, de onde se foi un ano despois ao Orlando Pirates de Suráfrica sen marcar ningún gol.
Clubs ClubPaísAnoSeven Stars1995-1997Ajax Cape Town1997Ajax Ámstrdam1998-1999Celta de Vigo1999-2003Porto2003-2006Blackburn Rovers2006-2010West Ham United2010Orlando Pirates2011 - 2013
Palmarés
Campionatos nacionais
TítuloClubPaísAnoEredivisieAjax Ámsterdam1998Copa dos Países BaixosAjax Ámsterdam1998Copa dos Países BaixosAjax Ámsterdam1999Supertaça de PortugalPorto2003Liga portuguesaPorto2004Supercopa de PortugalPorto2004Liga portuguesaPorto2006Taça de PortugalPorto2006Premier Soccer LeagueOrlando Pirates2012Copa da Liga de SuráfricaOrlando Pirates2012MTN 8Orlando Pirates2012Carling Black Label CupOrlando Pirates2012
Campionatos internacionais
TítuloClubPaísAnoCopa IntertotoCelta de Vigo2000Copa da UEFAPorto2003Liga de CampiónsPorto2004Copa IntercontinentalPorto2004
Distincións individuais DistinciónAnoMáximo goleador da Primeira Liga (20 goles)2004
Categoría:Nados en Cidade do Cabo Categoría:Nados en 1977 Categoría:Dianteiros de fútbol Categoría:Futbolistas olímpicos de Suráfrica Categoría:Xogadores do AFC Ajax Categoría:Xogadores do Celta de Vigo Categoría:Xogadores do FC Porto Categoría:Xogadores do Blackburn Rovers FC Categoría:Xogadores do West Ham United FC Categoría:Xogadores do Orlando Pirates Categoría:Xogadores da selección de fútbol de Suráfrica Categoría:Futbolistas gañadores da Liga de Campións da UEFA Categoría:Futbolistas nos Xogos Olímpicos de 2000 Categoría:Xogadores do Mundial de Fútbol de 1998 Categoría:Xogadores do Mundial de Fútbol de 2002