Erdal Inönü, nado en Ankara en 1926 e finado o 31 de outubro de 2007, foi un físico e político turco.
Traxectoria Fillo do segundo presidente da república, Ismet Inönü, estudou física na Universidade de Ankara e especializouse no Instituto de Tecnoloxía de California en 1951. Foi profesor axudante na Universidade de Ankara e profesor titular de física na Universidade Técnica de Oriente Medio de Ankara (1960-66), onde fixo investigacións sobre os neutróns. En 1974 pasou á Universidade do Bósforo en Istanbul ata que en 1983 entrou en política, foi un dos fundadores do Partido Socialdemocrático Popular e o seu líder entre 1983 e 1993, foi viceprimeiro ministro entre 1991 e 1993 e ministro de asuntos exteriores en 1995.
A súa contribución máis coñecida ao campo da física teórica é o método de contracións Inönü-Wigner, que estable as relacións entre os grupos de Lie.
Categoría:Nados en 1926 Categoría:Finados en 2007 Categoría:Políticos de Turquía Categoría:Físicos de Turquía Categoría:Alumnos da Universidade de Ankara Categoría:Alumnos do Instituto Tecnolóxico de California Categoría:Profesores da Universidade de Ankara Categoría:Profesores da Universidade Técnica de Oriente Medio Categoría:Finados por leucemia Categoría:Nados en Ankara