La gesa de San Lorenz a l'è una gesa parochiala a Trezzan in sul Navili, in de l'arcidioces de Milan.
Storia Per i necessità spirituai del noeuv quarter Zingon, in del 1963 la vegn istituida la noeuva parochia de San Lorenz, per spartì i fedel de la parrochia de Sant Ambroeus.
La costruzzion de la gesa, pensada de l'architet Franch Negri, la principia in de l'istess ann e la finiss in de l'ann despoeu.
A l'è vuna di gese tirade su in de l'ambit del programa «Vint-do gese per vint-du concili», pensad in del 1961 de l'arcivescov Montin per celebrà el Concili Vatican II.
Carateristeghe La gesa, che la gh'ha prima un segrad volzad rispet a la strada, la nass in tra volt edifizzi de abitazzion. La gh'ha forma retangolara, squas quadrada, de 25 meter de longhezza e 21 de larghezza, con la fasciada che la varda a sud-ovest e el presbiteri a nord-est.
Lavorà carateristegh de l'edifizzi a l'è la quatadura a do falde asimetreghe, in calcestruzz armad, volta in fina a 10 meter; i do pared denanz e dedree a inn quatade de veder per intregh. A manzina de la gesa el gh'è el campanil, formad de quater pilaster che sostegnen una scala elicoidala.
Denter ghe poden stà in fina a 500 persone; de sota a la gesa inn ospitad i ambient de la parrochia.
Note
Bibliografia
Font
Olter imprefondiment
Ligam de foeura
Sit ofizzial, in su parrocchiasanlorenzo.net
Categoria:Gese de Trezzan sul Navili Lorenz