мини|209x209пкс| Човекот во кафуле, од Хуан Грис, 1914 Колаж ( — лепи) — сликарска техника што вклучува лепење на различни материјали на избрана површина. На таа површина се прицврстуваат многу различни материјали. Обично се работи за хартија, но се користат и ткаенини, жица, дрвја, лисја, хартија за весници, кеси, разни пластични делови итн. Колажот почнал да се користи во кубизмот на почетокот на 20 век. Оттогаш го користеле претставници на различни уметнички струи и понатаму го развивале (дадаизам, надреализам, футуризам, поп-арт). Со ширењето на колажот, бил создаден и асамблажот.Walker, John. (1992) "Assemblage Art" . Glossary of Art, Architecture & Design since 1945, 3rd. ed. Retrieved February 7, 2012. Делумна елиминирање односно измени на монтираните елементи доведува до деколаж.
Значајни облици низ историјата Потеклото на оваа техника може да се пронајде во минатото, стотици години оддалечено од 20 век, меѓутоа нејзиното враќање во 20 век внесува новина во дотогашниот свет на уметноста. Колажната техника првпат била употребена во времето на откривањето на хартија во Кина, околу 200 г. пр. н. е. Примената на оваа техника не била особено застапена сè до 10 век во кој во рамките на калиграфијата во Јапонија почнала да се користи лепена хартија на чија површина биле пишувани поеми. Кога е во прашање Европа оваа техника се појавува околу 13 век. Примената на златних ливчиња со кои се облагале подлоги за постигнување на ефект на позлатено, присутна е во готските катедрали во 15 и 16 век. Скапоцени камења и благородни метали почнале да се применуваат при изработката на верски слики, икони и грбови. Во 18 век декупажот може да се пронајде во делата на Мари Делани, додека во 19 век употребата на оваа техника во врска со изработка на сувенири или книги (на пр. Ханс Кристијан Андерсен, Карл Шпицвег). Оваа техника исто така е применувана во раните 1860-ти години во рамките на Викториините фотоколажи. Најпрепознатлив облик техниката добива од 1912 година во делата на Жорж Брак и Пабло Пикасо, кои го осмислуваат поимот колаж и ја прават оваа техника препознатливо обележје на модерната уметност.
Колаж низ различни уметнички правци Колажот како техника се појавува во трендовите како што се кубизмот, дадаизмот, надреализмот, апстрактниот експресионизам, поп-артот и современата уметност.
Кубизам Во рамките на кубизмот, самиот назив колаж го создале творците и најважните претставници на оваа насока, шпанскиот сликар Пабло Пикасо и францускиот сликар Жорж Брак. Соработката помеѓу Пикасо и Брак започнала во 1907 година кога Брак го посетил студиото на Пикасо и го видел неговото дело „Госпоѓиците од Авињон“.
Од 1909 до 1914 година Пикасо и Брак заедно ги решавале проблемите на сè посложеното уметничко изразување на кубизмот. Постигнувајќи ја, со кршење на обликот, границата на апстракција од 1912 година Пикасо и Брак се свртуваат кон реалноста, не во непосредно претставување на стварноста, туку со користење на одредени елементи како весници, парчиња тапети, дрво, текстил и врвка. Со експериментирање со обоени и печатени парчиња хартија, биле створени Пикасовото дело „Мртва природа на плетена столица“ и Браковото дело „Сад со овошје и чаша“, што е пример за техниката на папје коле, која вклучува употреба само на хартија, додека колажот се однесува на употребата на други материјали.
Дадаизам Колажната техника во дадаизмот почнала да се користи од 1920 година. Особено обележје на колажната техника во ова движење е употребата на материјали кои претходно немале толкаво значење, како што се билети, исечоци од списанија, обвивки за бонбони, па дури и тридимензионални ситници.
Надреализам Надреалистите ја прилагодуваат колажната техника на нивните сопствени теми, потпирајќи се на потсвеста за да создадат единствена група фотографии, илустрации, обоена хартија и бои. Употребата на колаж при прикажување на теми својствени за дадаизмот е изразена во делата на Јозеф Корнел и Андре Бретон.
Декупаж и фотомонтажа како подвидови на колажот
Декупаж Декупаж е еден вид колаж кој вклучува користење на слика за украсување на објект. Може да вклучи додавање на повеќе копии од истата слика, исечени или слоевити на одредена подлога. Меѓу уметниците од 20 век кои создавале со техниката на декупаж се Пабло Пикасо и Анри Матис .
Фотомонтажа Фотомонтажата опфаќа правење композитни фотографии со сечење и спојување на неколку други фотографии. Основата на композитната слика понекогаш се фотографира така што вклучува додавање елементи од други фотографии и конечната верзија се постигнува слично како со користење на софтвер за уредување слики.
Колажот, кој најчесто се нарекува визуелна уметност, особено применуван во сликарството, го нашол својот израз и во архитектурата, музиката, илустрацијата, филмот или дизајнот. Присутен е и во дигитален облик.
Наводи
Литература
Brommer, Gerald (1978). The Art of Collage. Worcester, MA, Davis Publications
Museum Factory by Istvan Horkay History of Collage Excerpts from Nita Leland and Virginia Lee and from George F. Brommer
Mark Jarzombek, "Bernhard Hoesli Collages/Civitas", Bernhard Hoesli: Collages, exh. cat., Christina Betanzos Pint, editor (Knoxville: University of Tennessee, September 2001), 3-11. Taylor, Brandon. Urban walls: a generation of collage in Europe & America: Burhan Dogançay with François Dufrêne, Raymond Hains, Robert Rauschenberg, Mimmo Rotella, Jacques Villeglé, Wolf Vostell. ; (New York: Hudson Hills Press; [Lanham, MD]: Distributed in the United States by National Book Network, 2008) Excavations (Ontological Museum Acquisitions) by Richard Misiano-Genovese
Marie-Monique Huss, Histoires de famille: cartes postales et culture de guerre (Paris: Noesis, 2000).
nppa.org
Надворешни врски Collageart.org, an extensive website devoted to the art of collage Clement Greenberg on collage Exhibition of traditional and digital collage by many artists - curated by Jonathan Talbot in 2001 Cecil Touchon's International Museum of Collage, Assemblage and Construction Kolaj magazine, a print magazine about contemporary collage. Artist Deborah Harris "The Process of Collage" "5 Polish Collage Artists that Knew How to Put the Pieces Together"
Категорија:Сликарски техники Категорија:Сликарство Категорија:Уметност Категорија:Врски за Wayback од предлошката „Семарх“ Категорија:CS1-одржување: датумски формат Категорија:Галицизми Категорија:Надреализам