Метлеста жолтица () — грмушесто растение во Западна и Средна Европа. Позната е и како „Златна грмушка“ и се меша со форситија. Видот е прилагоден на медитеранската и крајбрежната клима. Растението не вирее на места со ниски зимски температури. Семињата, младите растенија и пупките се особено чувствителни на смрзнување. Возрасните растенија се поотпорни, а гранките погодени од ниските температури брзо се обновуваат. Cytisus scoparius содржи токсични алкалоиди кои го оптоваруваат срцето и нервниот систем.
Опис Израстоците на метлестата жолтица обично растат од 1 до 3 м височина, ретко до 4 м, со главното стебло до 5 см дебелина, ретко 10 см. Грмушките имаат зелени никулци со мали, наизменично распоредени, сложени, триаглести листови долги 5-15 мм, кои брзо опаѓаат (листопадни). Во пролет и лето, тие се полни со златно-жолти цветови, групирани во долги гроздови, долги 20–30 мм, и 15–20 мм широки. Чашката е двоусна. Коренот е вретенест, цврст и со бочни коренчиња кои завршуваат со кртолици.
Дистрибуција и развој Обичната жолтица е домородна за Западна и Средна Европа. Може да се најде на сончеви места, обично на сува, песочна почва на мала надморска височина и може да издржи многу кисела почва.M. Blamey; C. Grey-Wilson. 1989. Flora of Britain and Northern Europe. Hodder & Stoughton. ISBN 0-340-40170-2 Надвор од природното живеалиште се смета за инвазивен вид.
Подвидови
Cytisus scoparius subsp. insularis (S.Ortiz & Pulgar) Auvray Cytisus scoparius subsp. maritimus (Rouy) Heywood Cytisus scoparius subsp. reverchonii (Degen & Hervier) Rivas Goday & Rivas Mart. Cytisus scoparius subsp. scoparius
Синоними
Corema scoparium (L.) Bercht. & J.Presl Cytisogenista scoparia (L.) Rothm. Genista scoparia (L.) Lam. Genista vulgaris Gray Sarothamnus scoparius (L.) Wimm. ex W.D.J.Koch Sarothamnus vulgaris Wimm. Spartium scoparium L.
Наводи
Галерија
Надворешни врски
Категорија:Бобови Категорија:Флора на Европа Категорија:Растителни таксони опишани од Карл Линеј Категорија:Растенија опишани во 1753 година