Teucrium chamaedrys ― вид растение по потекло од медитеранските региони на Европа и Северна Африка, како и од Блискиот Исток сè до Иран. Се користи како украсно растение.
Подвидови Teucrium chamaedrys subsp. albarracinii (Pau) Rech.f. - Франција, Шпанија Teucrium chamaedrys subsp. algeriense Rech.f. - Алжир Teucrium chamaedrys subsp. chamaedrys - Средна и Источна Европа, Кавказ, Турција, Иран Teucrium chamaedrys subsp. germanicum (F.Herm.) Rech.f. - Франција, Германија Teucrium chamaedrys subsp. gracile (Batt.) Rech.f. - Алжир, Мароко Teucrium chamaedrys subsp. lydium O.Schwarz - Грција, Турција Teucrium chamaedrys var. multinodum Bordz. - Кавказ Teucrium chamaedrys subsp. nuchense (K.Koch) Rech.f. - Кавказ Teucrium chamaedrys subsp. olympicum Rech.f. - Грција Teucrium chamaedrys subsp. pectinatum Rech.f. - Франција, Италија Teucrium chamaedrys subsp. pinnatifidum (Sennen) Rech.f. - Франција, Шпанија Teucrium chamaedrys subsp. sinuatum (Celak.) Rech.f. - Иран, Ирак, Турција Teucrium chamaedrys subsp. syspirense (K.Koch) Rech.f. - Крим, Кавказ, Турција, Иран, Туркменистан Teucrium chamaedrys subsp. tauricola Rech.f. - Турција, Сирија Teucrium chamaedrys subsp. trapezunticum Rech.f. - Кавказ, Турција
Варијанти во Македонија Teucrium chamaedrys var. glanduliferum се посочува за Пелистер, Скопје, Дервен, Баба, Белеш, Водно, Дојран, Валандово, Негорци, Радуша и село Гомалево.
Teucrium chamaedrys var. illyricum се посочува меѓу Тетово и Вејце.
Teucrium chamaedrys var. viride се посочува за Велестово.
Опис и живеалиште Teucrium chamaedrys е ползечко зимзелено повеќегодишно растение високо 10-35 см. Неговите заоблени, спротивни листови се долги 15-40 мм, широки 10-20 мм, темнозелени и сјајни. Кон крајот на летото, цевчестите цветови растат во спирали од лисните оски. Цветовите имаат 2-5 мм долги дршки, и се развиваат во пазувите на листовите. Чашката е долга 6-8 мм, венчето е долго 10-16 мм, со розева до црвена боја, и ретко е бело.Владо Матевски: Флора на РС Македонија, МАНУ, Скопје, 2021 г., том 2, свеска 2, стр. 216
Расте по суви тревести места и брдкси пасишта, меѓу грмушки и камењари, на отворени места во дабови и букови шуми, сè до појасот на планинските пасишта, од 200 до 2100 метри надморска височина.
Во Македонија расте на многу места: Скопје, на Водно, Таорска Клисура, Караџица, Велес, клисурата на реката Бабуна, Криволак, Богданци, Пехчево, Македонска Каменица, Алшар, Битола, Охрид, и други места.
Додатоци во исхраната Додатоците во исхраната што содржат Teucrium chamaedrys се многу хепатотоксични, односно предизвикуваат оштетување на црниот дроб. Неговата продажба била забранета во Франција од страна на француското Министерство за здравство во април 1992 година. Предизвикува акутен хепатитис со задоцнување на почетокот од 6 недели до 6 месеци, а од 1992 година има барем еден познат случај на фатална дисфункција на црниот дроб (смрт од оштетување на црниот дроб). Од 2017 година, неговата продажба е забранета во САД.
Историја Пред да биде идентификувана како хепатотоксична, оваа билка се продавала во европските аптеки и специјализирани продавници за здрава храна за различни намени, вклучувајќи ги и следниве:
диета за слабеење третман на блага дијареја локален аналгетик за инфекции на усната шуплина
Одгледување Teucrium chamaedrys може да се размножува со вегетативни резници или со делење на воспоставени грутки.
Галерија
Наводи
Надворешни врски
Teucrium chamaedrys, Ботаничка градина на Мисури Teucrium chamaedrys, база на податоци за растенија за иднината Teucrium chamaedrys, Универзитет во Аризона, Кооперативно проширување на округот Пима, Тусон, Аризона, САД
Категорија:Растителни таксони опишани од Карл Линеј Категорија:Градинарски растенија Категорија:Флора на Европа Категорија:Растенија опишани во 1753 година Категорија:Флора на Македонија