мини|Цепин 1 – сечило 2 – глава 3 – тесла 4 – поводник 5 – граничник на поводникот 6 – рачка со гумен дел за држење 7 – шилец Цепин — дел од стандардна високогорска опрема. Неговата намена е повеќекратна, служи како ослонец при качување на замрзнат снег, за поткопување во тврд снег, симнување по стрмни и заледени површини каде постои опасност за пролизгување. Неговата употреба зависи од теренот: во својата наједноставна улога се користи како стап за потпирање, при што планинарот ја држи главата на цепинот во средината на раката. На стрмен терен со замав се вкопува во снегот или мразот за безбедност и помош при влечење. Може да се закопа и со јаже врзано околу рачката за да се образува сигурно сидро на кое ќе се подигне втор алпинист, или да се закопа вертикално за да се добие безбедно осигурување. Теслата се користи за всекување потпори за стапалата, како и за собирање на збиен снег за да се закопа цепинот како сидро за осигурување.
Потекло Денешниот цепин ги има своите корени во алпскиот штук со долга рачка што се појавил пред неа. Ледената секира не се користи само како помагало за искачување, туку и како средство за самозапирање во случај на лизгање по удолница.
Составни делови Цепинот се состои од најмалку пет дела:
Глава – обично изработена од челик и има сечило и тесла. Во центарот е обезбедена дупка за прицврстување на поводник за зглобот или карабинер . Сечило — забестиот зашилен крај на главата, обично малку закривен (помага и во ергономијата и во самозапирањето). Тесла — рамниот, широк крај на главата што се користи за сечење скали во тврд снег и мраз. Чекан — чеканот е алтернатива на теслата. Може да се користи за помагање при поставување на заштитата. Рачка — права или малку под агол, обично пошироко од напред до назад отколку од страна до страна, рамно од страните и мазно заоблено на краевите. Традиционалните рачки биле изработени од дрво, но сега се речиси исклучиво од лесни метали (како што се алуминиум, титаниум и легури на челик) или композити (вклучувајќи фиберглас, кевлар или јаглероден филамент). Шилец — точка во основата на рачката што се користи за рамнотежа и безбедност кога цепинот се држи за главата како стап за одење. Обично е изработен од челик.
Наводи
Надворешни врски
Ice Axe Buying Advice Ice Axe for Mountaineering GoXplore Guides article on the Ice Axe
Категорија:Опрема за кампување Категорија:Секири Категорија:Планинарство Категорија:Зборови што ги нема во ТРМЈ