Орегон, официјално Држава Орегон (англиски: Oregon или State of Oregon) е една од педесетте сојузни држави на САД. Државата се наоѓа во северозападни САД, на Тихиот Океан и граничи со Вашингтон на север, Калифорнија на југ, Невада на југоисток и Ајдахо на исток. Реките Снејк и Колумбија ги формираат северните и источните граници на државата. Пред доаѓањето на Европејците, територијата на државата била населена од различни староседелски племиња. Територијата Орегон била формирана во 1848 година и на 14 февруари 1859 Орегон станал 33 сојузна држава на САД. Главен град на оваа сојузна државата е градот Сејлем и трет најнаселен град во државата. Најголем град во државата е Портланд, кој воедно е и 30-ти најголем град во САД со население од 575.930 жители и со метрополитенска област од 2.175.133 жители, што е 23-та најголема метрополитенска област.
Долината Виламет во западен Орегон е најнаселена област во државата, кој воедно е и најплодна долина во Орегон. Населението на Орегон брои околу 3,5 милиони жители според пописот во 2000 година..
Во Орегон се наоѓа корпорацијата Интел, најголем работодавач во државата. Оваа компанија се наоѓа во Силициумската Шума во западен Портланд. Орегон има 199 јавни училишта, од кои најголемо е Јавно училиште Портланд. Покрај голем број на колеџи, во Орегон се наоѓаат и Државен Универзитет Орегон, Универзитет Орегон и најголемиот Државен Универзитет Портланд.
Збратимени држави , Фуџиан - 1984 , Тајван - 1985 , Тојама - 1991 , Џеоланам-до - 1996
Наводи
Дополнителна литература
Excursion to the Oregon by John Kirk Townsend New map of Texas, Oregon and California with the regions adjoining, compiled from the more recent authorities by Samuel Augustus Mitchell Accompaniment to Mitchell's New map of Texas, Oregon, and California, with the regions adjoining by Samuel Augustus Mitchell
O'Hara, E. (1911). Oregon. In the Catholic Encyclopedia. New York: Robert Appleton Company. Retrieved 25 јули 2009, from New Advent.
Надворешни врски
Орегон (официјално мрежно место) Oregon Blue Book - орегонска златна книга TravelOregon.com - официјнален портал за туризам Орегонско историско друштво Државна база на податоци Ресурси на Орегон Факти за Орегон Државни факти за Орегон
Орегон