Ивлин (фр. Yvelines) е департман во регионот Ил де Франс, Франција.
Историја Департманот Ивлин е создаден на 1 јануари 1968 со составување на западниот дел на некогашниот департман Сена и Оаза согласно законот изгласан во 1964 и указот за спроведување од 1965 г.
Во 1969 г. кон департманот се приклучени и општините Шатофор и Туси ле Нобл од соседниот департман Есона.
Географија Ивлин се граничи со департманот Долина на Оаза на север, Сенските Висови на исток, Есона на југоисток, Ер и Лоар на југозапад и Ер на запад.
Источниот дел на департманот, како и северниот дел долж реката Сена е всушност предградие на Париз, но остатокот од департманот е рурален. Голема површина зафаќа шумата Рамбује (наречена и Ивлин, од кајшто доаѓа името на департманот).
Покрај Версај (префектура) и потпрефектурите Мант ла Жоли, Рамбује и Сен Жермен ан Ле, други поважни места се Конфлан-Сент-Онорин, Поаси, Ле Миро, Уј, Плезир, Сартрувил, Шату, Ле Шезне и збирната заедница Сен-Кентен-ан-Ивлин.
Во Ивлин има два регионални парка: Горна Шевреска Долина и дел од паркот Вексен Франсе.
Знаменитости Дворци Бретеј Версај Вилет Во на Сена Дампјер Дипон Мезон Лафит Мовјер Рамбује Сен Жермен ан Ле Тоари
Музеи Музеј на национални старини (Сен Жермен ан Ле) Музеј на речно-каналските занаети (Конфлан Сент Онорин) Музеј на коњски запреги (Версај) Музеј на играчки (Поаси) Музеј на овчарството (Рамбује) Музеј на ткаенини (Жуи-ан-Жоза) Национален амбарски музеј Пор-Ројал (Мањи ле Амо) Меѓуанроден музеј на наивна уметност Музеј Ламбине (Версај)
Домови на уметници и писатели Андре Дерен (Шамбурси) Елза Триоле-Арагон (Сен Арно ан Ивлин) Емил Зола (Медан) Морис Равел (Монфор Ламори) Иван Тургенев (Бугивал) Александар Дима (Ле Пор Марли) Жан-Клод Ришар (Сен Ном ла Бретеш)
Паркови и градини Шеврлупски арборетум (Роканкур) Посед Марли (Марли ле Роа) Градина на замокот Во-сир-Сен (Во на Сена) Кралевата зеленчукова градина (Версај)
Поврзано Кантони во Ивлин Општини во Ивлин Окрузи во Ивлин
Надворешни врски Префектура на Ивлин Генерален совет на Ивлин Историја на славните личности на Ивлин
Категорија:Департмани во Ил де Франс