мини|десно|400п|Вертикалните стрелки ја покажуваат топографската истакнатост на три врва на еден остров. Испрекинатите хоризонтални линии се најниските контури што не окружуваат повисоки врвови. мини|десно|400п|Споредба на стоте најистакнати врва во светот. Tопографската истакнатост (релативна височина, самостојна височина, проминентност) е мерка за височината на врвот на една планина или рид помеѓу него и најниската изолинија што го окружува него, и ниеден повисок врв. Со ова се изразува самостојноста на врвот.
Дефиниции
Договорно се зема дека истакнатоста на планината Монт Еверест (највисока во светот) е еднаква на нејзината надморската височина. Со исклучок на овој посебен случај, постојат неколку истоветни дефиниции:
Истакнатоста на еден врв е височината на неговата највисока точка сметајќи од најниската изолинија што го окружува него и ниеден повисок врв. Ако истакнатоста на врвот изнесува P метри, за да дојдеме од врвот до некој повисок терен, ќе мораме да се спуштиме P метри. Заедно со договорната вредност на Монт Еверест, ова подразбира дека истакнатоста на секоја највисока точка на еден остров или континент е еднаква на надморската височина. За секој срт (или каков и да е премин) што го поврзува врвот со некој повисок терен, ја утврдуваме најниската точка на сртот. Оваа точка ќе биде на превојот (седлена точка или премин). Клучен превој или „врска“ е највисокиот од овие превои, заедно со сите сртови што поврзуваат. (Ако врвот е највисока точка на едно копно, тогаш клучниот превој ќе биде океанот, а истакнатоста на планината е еднаква на нејзината надморска височина.) Истакнатоста е разликата помеѓу надморската височина на врвот и надморската височина на клучниот превој. Ако си претставиме дека морското ниво се накачило во најмала мера потребно еден врв да стане највисокото место на островот, тогаш истакнатоста на тој врв е висината на островот. Клучниот превој ќе биде последниот провлак што го поврзува островот со некој повисок остров, пред да ги одвои водата.
Најистакнати врвови во Македонија мини|Голем Кораб За „ултраистакнати“ се сметаат сите оние врвови со забележителна истакнатост поголема од 1.500 м. Во Македонија такви се:Ултраистакнати врвови во Европа - Peaklist Место Назив Истакнатост (м) Надм. вис. (м) 1 Голем Кораб 2.169 2.764 2 Кајмакчалан 1.758 2.528 3 Солунска Глава 1.666 2.540 4 Пелистер 1.516 2.601
Поврзано Врв (топографија) Топографска изолираност Надморска височина
Наводи
Надворешни врски Peaklist - мрежно место посветено на истакнатоста кај планините со списоци и карти за целиот свет повисоки од 1.500 м Топографска истакнатост - Едвард Ерл
Категорија:Топографија Категорија:Физичка географија Категорија:Планинарење