Мадона Луис Чиконе (официјално Мадона, на англиски: Madonna Louise Ciccone или Madonna), родена на година, е американска пејачка, танчерка, текстописец, продуцент, актерка и писателка. Позната и како „Кралица на попот“, Мадона ја стекнала својата слава со нејзините иновативни музички спотови, изведби и често контроверзната употреба на сексуални и религиозни теми. Таа има добиено бројни награди во нејзината кариера и има издадено многу албуми.
Мадона се смета за една од најголемите музички икони во историјата на популарната музика, како и за секс симбол на денешницата. Во 2000 година, Гинисовата Книга на Рекорди ја окарактеризирала Мадона како најуспешната женска музичка уметничка на сите времиња, со околу 120 милиони продадени албуми. „Ворнер Брос“, куќата која ги издава нејзините албуми, изјавила дека во 2005 биле продадени преку 200 милиони плочи на Мадона. Во 2005, на манифестацијата Најголем Американец, американската публика ја изгласала Мадона за една од шеснаесетте најзначајни жени во американската историја.
Животопис Мадона Луиз Чиконе е родена во Беј Сити, Мичиген. Таа е третото од шесте деца на Силвио „Тони“ П. Чиконе, инженер во „Крајслер“ од итало-американско потекло (таткото на Мадона води потекло од Пачентро, во регионот Абруцо, Италија) и Мадона Луиз Фортин, од франко-канадско потекло. Мадона била одгледана во католичко семејство, во предградијата на Детроит - Понтијак и Рочестер Хилз. Мајката на Мадона починала од рак на дојката на триесетгодишна возраст, на 1 декември 1963 година, кога Мадона имала пет години. Мадона често зборува за влијанието на смртта на мајка си врз нејзиниот живот, нарекувајќи го „една од најтешките работи со кои се имам соочено во мојот живот“. Подоцна, нејзиниот татко се оженил со Џоан Густафсон (семејната дадилка) и имал две деца со неа.“How Madonna Became The Queen Of Pop” (English) August 1, 2023
Таткото на Мадона сакал сите негови деца да земаат музички часови, но, по неколку месеци на пијано часови, Мадона го убедила својот татко да ѝ дозволи да зема часови по балет. Таа се покажала како надарена танчерка. По матурирањето во Rochester Adams High School во 1976, таа добила стипендија за танцување на Универзитетот во Мичиген, каде што го запознала учителот по танц Кристофер Флин. Освен што ја подучувал, тој за првпат ја изложил во геј-дискотеките, момент кој подоцна ќе има големо влијание во музиката и стилот на Мадона. Во 1977 година, со охрабрување од Флин, Мадона го напуштила колеџот на крајот на втората училишна година и се преселила во Њујорк за да оствари танцувачка кариера. За нејзиното доаѓање во Њујорк, Мадона вели: „Кога дојдов во Њујорк, тоа беше првпат да патувам со авион, првпат да патувам со такси, првпат за сè. А дојдов тука со 35 долари во мојот џеб. Тоа беше најхраброто нешто кое сум го направила.“
Мадона имала финансиски проблеми во ова време, живеејќи во беда и работејќи за ниска плата. Исто така, таа работела и како нудистички модел. За сето ова време, таа учела со Марта Грахам и Перл Ланг, а подоцна танцувала со неколку компании за модерен танц, вклучувајќи ги и Елвин Ејли и Валтер Никс танчерите. Додека работела како танчерка за францускиот диско-уметник Патрик Ернандес (на неговата турнеја во 1979), Мадона го запознала и станала романтично врзана за музичарот Дан Гилрој, со кого ја формирала својата прва рок-група „Breakfast Club“. Освен како вокалист, таа била и тапанар и гитарист, пред да ја формира групата „Еми“ во 1980 година со тапанарот и поранешен пријател Стефан Бреј. Таа и Бреј напишале и продуцирале бројни диско и денс-песни кои го привлекле вниманието на њујоршките клубови, особено на ,,Денстерија" и ,,Канзас Канзас". Диџејот и продуцентот Марк Каминс бил доволно импресиониран од демото на Мадона за да го привлече вниманието и на основачот на Сер Рекордс - Сејмур Штејн.
Приватниот живот на Мадона бил многу бурен. Најпрвин, таа била во брак со глумецот Шон Пен. Во 1995 година, Мадона започнала романтична врска со својот тренер по фитнес, Карлос Леон, со кого, една година подоцна, ја добила ќерката Лурдес Марија. Набрзо по нејзиното раѓање, Мадона и Леон се разделиле. Во 2011 година, Мадона стапила во врска со танчерот Брахим Заидбат, кој бил 30 години помлад од неа. Тој бил дел од тимот што ја придружувал Мадона на нејзината турнеја „МДНА“. Нивната врска се распаднала во 2014 година. Потоа, Мадона почнала да излегува со танчерот Тимор Стефен (кој, исто така, бил далеку помлад од неа, т.е. имал само 26 години), но врската се распаднала многу брзо, поради презафатеноста на Мадона.Наташа Спирова, „Џад Лоу падна на дадилката, на Лопес слабост ѝ се танчерите“, Антена, број 852, 24.20.2014, стр. 13.
Дискографија
Madonna (1983) Like a Virgin (1984) True Blue (1986) Like a Prayer (1989) Erotica (1992) Bedtime Stories (1994) Ray of Light (1998) Music (2000) American Life (2003) Confessions on a Dance Floor (2005) Hard Candy (2008) MDNA (2012) Rebel Heart (2015) Madame X (2019) Confessions II (2026)
Филмографија
Arthur and the (2006) Die Another Day (2002) Swept Away (2002) I Star (краток филм) (2001) The Next Best Thing (2000) Evita (1996) Girl 6 (1996) Four Rooms (1995) Blue in the Face (1995) Dangerous Game (1993) Body of Evidence (1993) A League of Their Own (1992) Shadows and Fog (1991) Dick Tracy (1990) Bloodhounds of Broadway (1989) Who's That Girl (1987) Shanghai Surprise (1986) Desperately Seeking Susan (1985) Vision Quest (1985) A Certain Sacrifice (1980)
Видеографија
Спот Година Режисер Everybody 1982 Ед Стеинберг Burning Up 1983 Стив Барон Lucky Star 1984 Артур Пиерсон Borderline 1984 Мери Ламберт Like a Virgin 1984 Мери Ламберт Material Girl 1985 Мери Ламберт Crazy For You 1985 Харолд Бекер Gambler 1985 Харолд Бекер Into the Groove 1985 Сузан Сеиделман Live to Tel 1986 Џејмс Фолеј Papa Don't Preach 1986 Џејмс Фолеј True Blue 1986 Џејмс Фолеј Open Your Heart 1986 Џејн-Баптиста Морино La Isla Bonita 1987 Мери Ламберт Who's That Girl 1987 Петер Росентал Like a Prayer 1989 Мери Ламберт Express Yourself 1989 Дејвид Фишер Cherish 1989 Херб Ритс Oh Father 1989 Дејвид Фишер Dear Jessie 1989 Дерек Хајс Vogue 1990 Дејвид Фишер Justify My Love 1990 Џејн-Баптиста Морино This Used To Be My Playground 1992 Алек Кешишиан Erotica 1992 Фабиен Барон Deeper and Deeper 1992 Боби Вудс Bad Girl 1992 Дејвид Фишер Fever 1993 Стефани Седнаои Rain 1993 Марк Романек I'll Remember 1994 Алек Кешишиан Secret 1994 Мелоди МекДаниел Take A Bow 1994 Мајкл Хаусман Bedtime Story 1995 Марк Романек Human Nature 1995 Џејн-Баптиста Морино I Want You 1995 Ерли Себастијан You'll See 1995 Мајкл Хаусман Love Don't Live Here Anymore 1996 Џејн-Баптиста Морино You Must Love Me 1996 Алан Паркер Frozen 1998 Крис Кунингам Ray Of Light 1998 Џонас Акерлунд Drowned World/Substitute for Love 1998 Валтер Стерн The Power of Good-Bye 1998 Метју Ролстон Nothing Really Matters 1999 Џохан Ренк Beautiful Stranger 1999 Брет Рејтер American Pie 2000 Филип Столзи Music 2000 Џонас Акерлунд Don't Tell Me 2000 Џејн-Баптиста Морино What It Feels Like for a Girl 2001 Гај Ричи Die Another Day 2002 Трактор American Life 2003 Џонас Акерлунд Hollywood 2003 Џејн-Баптиста Морино Me Against the Music 2003 Паул Хунтер Love Profusion 2003 Лук Бесон Hung Up 2005 Џохан Ренк Sorry 2006 Џејми Кинг Jump 2006 Џонас Акерлунд 4 Minutes 2008 Џонас/Францис Give It 2 Me 2008 Том Мунро/Натан Рисман Celebration 2009 Џонас Акерлунд Give Me All Your Luvin 2012 Мегафорс Girl Gone Wild 2012 Мерт/Маркус Turn Up the Radio 2012 Том Мунро Living for Love 2015 J.A.C.K. Ghosttown 2015 Џонас Акерлунд Bitch I'm Madonna 2015 Џонас Акерлунд Medellín 2019 Diana Kunst,Mau Morgó Crave 2019 Nuno Xico Dark Ballet 2019 Emmanuel Adjei God Control 2019 Џонас Акерлунд Batuka 2019 Emmanuel Adjei Frozen (Fireboy DML Remix) 2022 Рикардо Гомес Frozen (feat. 070 Shake) 2022 Рајан Дрејк,Рикардо Гомес Hung Up on Tokischa 2022 Sasha Kasiuha /SKNX Popular 2024 Cliqua Confessions II-The Film 2026 Torso
Наводи
Користена Литература Cross, Mary (2007). Madonna: A Biography. Greenwood Publishing Group. ISBN 978-0-313-33811-3. Leonard, George J.; D'Acierno, Pellegrino (1998). Italian American Heritage: A Companion to Literature and Arts. Taylor & Francis. ISBN 978-0-8153-0380-0. Morton, Andrew (2001). Madonna. London: Michael O'Mara Books. ISBN 978-1-85479-888-6. Rettenmund, Matthew (1995). Madonnica: The Woman & The Icon From A To Z. Macmillan. ISBN 978-0-312-11782-5. Taraborrelli, J. Randy (2002). Madonna: An Intimate Biography. Simon & Schuster. ISBN 978-0-7432-2880-0
Надворешни врски
Официјални: Madonna.com — Официјално мрежно место IconMadonna.com — Официјален фен-клуб MySpace.com/Madonna — Официјална "myspace" страница
Врски од интерес: The Guardian интервју од 27 јуни 2005 година Billboard Q&A 2005 Семејното дрво на Мадона
Категорија:Американски музичари Категорија:Американски глумци Категорија:Американски писатели Категорија:Живи луѓе Категорија:Американски поп-пејачки Категорија:Американски филмски глумци Категорија:Добитници на наградата „Ајвор Новело“