Дамчестото грмушарче () е мала врапчевидна птица која се размножува низ умерените региони на централна и источна Европа и централна и западна Азија. Ја има и во Македонија. Таа е птица преселница што зимува во тропска источна Африка.Del Hoyo, J. Elliot, A. & Christie, D. (editors). (2006). Handbook of the Birds of the World. Volume 11: Old World Flycatchers to Old World Warblers. Lynx Edicions. ISBN 84-96553-06-X.
Опис Дамчестото грмушарче е најголемо во родот Sylvia. Долго е 15.5–17 см и тежи 22–36 грама. По боја е претежно сивкаво одозгора и белкаво одоздола. Возрасните мажјаци се темносиви одозгора со бели рабови на пердувите од покривните пердуви и пердувите на опашката, и многу избраздени одоздола. Женките се слични, но малку посветли и имаат само светли рабови. Младите птици се портокаловосивокафеави одозгора, светлопортокалови одоздола и имаат малку набраздувања. Очите имаат жолт ирис кај возрасните и темен кај младенчињата. Клунот е црнкав со посветла основа, и нозете се цврсти, сивокафеави.Svensson, L. Mullarney, K. & Zetterström, D. (2009). Collins Bird Guide, second edition. HarperCollins, London ISBN 978-0-00-726726-2.
Таксономија Во рамките на родот Sylvia дамчестото грмушарче е многу карактеристично со својата набраздена долна страна од телото. Се чини дека оваа птица ја претставува сопствената древна лоза на Sylvia и дека нема ниту еден многу близок роднина во родот.Helbig, A. J. (2001). Phylogeny and biogeography of the genus Sylvia. Pp. 24-29 in: Shirihai, H. Gargallo, G. Helbig, A. J. & Harris, A. Sylvia Warblers. Helm Identification Guides ISBN 0-7136-3984-9Jønsson, K. A. & Fjeldså, J. (2006). A phylogenetic supertree of oscine passerine birds (Aves: Passeri). Zool. Scripta 35 (2): 149–186.
Има два подвида. Номинираниот Sylvia nisoria nisoria, кој е распространет низ целиот свој опсег и подвидот Sylvia nisoria merzbacheri, кој го има само во источните делови, по работ на опсегот, во Средна Азија. Вториов е незначително посветол и помалку избразден. Некои автрои ги сметаат за синонимски.Williamson, K. (1976). Identification for Ringers: The Genus Sylvia. British Trust for Ornithology.
Живеалиште и поведение Дамчестото грмушарче е птица на отворената земја со грмушки за гнездење, со многу сличен начин на живеење и живеалиште со сивото свраче.
Гнездото го гради во грмушки или трње и несе 3-7 јајца. Претежно се храни со инсекти, но јаде и бобинки како и друго меко овошје, особено на крајот од летото и наесен. Песната му е пријатно чрчорење како на градинското грмушарче со многу чисти ноти, но малку погрубо и понемелодично и малку повисоко. Некои го мешаат со пеењето на обичното грмушарче.
Статус Европаската популација изнесува околу 460.000 пара. Во некои области нивниот број се намалува, особено на запад, во Данска (каде сега е изумрен вид) и Германија, заради губење на животната средина од интензивното земјоделство. Од друга страна, пак, има и некои зголемувања на бројноста, во Украина и јужна Финска. Понаисток, бројот е стабилен.
Според Црвениот список на МСЗП ова е вид со најмала загриженост.
Наводи
Надворешни врски Видео со пеење на дамчестото грмушарче во Преспанско на YouTube Avibase
Категорија:Грмушари Категорија:Птици на Македонија