Часовник — мало и слабосјајно соѕвездие на јужното небо ( со деклинација од оклолу −60 степени). Името е латински презапис на грчкиот збор за часовник (Horo [ὥρο]- што значи час и logium [λέγειν] што значи покажувач [horologium= покажувач на часови]).
Историја
Часовник за првпат како соѕвездие е исцтрано во век од страна на аботот Никола Луј де Лакај. Првичното име на соѕвездието било Часовник со Клатно (Horologium Oscillitorium), во чест на пронаоѓачот на истиот Кристијан Хајгенс и неговата книга Часовник со клатно (Horologium Oscillatorium).
Забележителности
Ѕвезди
Часовник како соѕвездие не се одликува со сјајни ѕвезди. Алфа Часовник, најсјаната ѕвезда, е портокалов џин со светлинска величина 3,9, на растојание од 117 сг. од Земјата. Бета Часовник е бел џин со светлинска величина 5, и на растојание од 314 сг. од Земјата. Но, сепак соѕвездието содржи неколку променливи ѕвезди. R Часовник е црвен џин Мирида со доста променлив распон на светлинската величина, на растојание од 1000 сг. од Земјата. Минималната светлинска величина изнесува 14,3 додека пак максималната 4,7, во временски период од 13 месеци.
Далечни објекти
Часовник е соѕвездие во кое има голем број на далечни објекти, т.е. во истото има неколку збиени јата. NGC 1261 е збиено ѕвездено јато со вкупна светлинска величина 8, и на растојание од 44.000 сг, од Земјата. Збиено ѕвездено јато Арп-Мадоре 1 кое се гледа во соѕвездието, и е најоддалеченото збиено јато во Млечниот Пат на растојание од 398.000 сг. од Земјата.
Поврзано
Еридан (соѕвездие) Мала Водна Змија (соѕвездие) Мрежичка (соѕвездие) Златна Рипка (соѕвездие) Длето (соѕвездие)
Наводи
Надворешни врски
The Deep Photographic Guide to the Constellations: Horologium Starry Night Photography - Horologium Constellation Star Tales – Horologium Horologium Constellation at Constellation Guide
Категорија:Соѕвездија Категорија:Јужни соѕвездија Категорија:Источни соѕвездија