Калинка (, позната и како: нар) — листопадна овошна грмушка или мало дрво од семејството на врбиците (Lythraceae) висока од 5 до 8 м. Во Македонија калинката е особено застапена и најмногу расте во југоисточните краишта со влијание на средоземната клима, посебно во Валандовско, Дојранско, Гевгелиско.
Морфологија Грмушка или мало дрво кое расте 5 до 10 метри високо, калинката има повеќе шилести гранки и е исклучително долга, со неколку примероци во Франција кои преживуваат 200 години. P. granatum може да биде долга и широка 2 см. Цветовите се светло-црвени и пречник од 3 см, со три до седум ливчиња.
Калинката во исхраната и медицината Калинката е едно од најстарите овошја познати на човекот. За нејзината употреба постојат записи во повеќе култури и религии, во кои калинката била почитувана како симбол на здравјето, плодноста и вечниот живот. Исто така, постојат повеќе студии кои го потврдуваат благотворното дејство на калинката врз кардиоваскуларниот и нервниот систем, како и врз коските. Тоа произлегува оттаму што калинката е богат извор на витамин Б5, калиум, алагитанин и флавоноиди. Исто така, 100 грама калинка содржат 16% од препорачаната дневна доза на витаминот Ц. Понатаму, калинката содржи фитохемикалии кои го поттикнуваат создавањето серотонин и естроген во организмот. Според клиничките испитувања, материите што ги содржи само калинката - пуницалагините - влијаат поволно врз срцето и крвните садови. Маслото од калинка има естрогенски, антивоспалителни и антимикробни својства бидејќи содржи пуницинична и елагична киселина.„Калинката го чува срцето“, Здравје, понеделник, 3 ноември 2014, стр. 24-25.
Калинката како тема во уметноста и во популарната култура „Овошник од калинки“ — расказ на американскиот писател Вилијам Саројан.Вилијам Саројан, Се викам Арам. Скопје: Македонска книга, 1970, стр. 25-40. „Страв од калинки“ — краток расказ на Оливера Ќорвезироска од 2021 година.Оливера Ќорвезироска, Престапни години (прозен календар). Скопје: Бегемот, 2021, стр. 402-403. „Бојата на калинките“ (ерменски: Նռան գույնը) — советски филм од 1969 година, во режија на Сергеј Параџанов.IMDb, The Color of Pomegranates (1969) (пристапено на 24.9.2017)
Галерија
Наводи
Категорија:Овошје Категорија:Врболистови Категорија:Растенија опишани во 1753 година Категорија:Овошни дрва Категорија:Јадливи плодови Категорија:Растителни вапсила Категорија:Растенија за бонсаи Категорија:Флора на Македонија