Космос-1887 — сателит од типот Бион.
Мисија
Бион 8 во својот товар вклучувал биолошки и зрачно-физички експерименти од 9 држави. Слетувањето било неколку стотина километри од очекуваното место, што довело до значителни потешкотии. Биолошката носивост на вселенското летало вклучувало 2 мајмуни, 10 стаорци, овошни муви, скакулци, бумбари, гупи, саламандери, хлорела, пченка. Во изведувањето на 33 експерименти на САД, биле вклучени повеќе од 50 научници од НАСА.
Еден од тие експерименти, бил и изучување на нивото на зрачење во вселенското опкружување, не побарувало употреба на какви било биолошки материјали. САД спровеле само еден експеримент врз приматите на биосателитот. Останатите американски експерименти биле изведени на ткива од петте стаорци кои биле на летот. Дел од експерименитите биле продолжение на претходно извршените експерименти на Спејслаб-3 во април 1985 година. Другите земји вклучени во изведувањето на експериментите на мисијата биле Советскиот Сојуз, Полска, Чехословачка, Источна Германија, Франција, Романија, Бугарија и Унгарија. Европската вселенска агенција исто така извела одредени експерименти. САД биле задолжени за развој на опремата за летот и слетувањето, потврдно тестирање на опремата и експерименталните процедури, развивање процедури за земање примероци од стаорците и пренесување ткива и податоци од Советскиот Сојуз по завршувањето на мисијата. Една од најзначајните особености било споделувањето на биолошките примероци од стаорците, со што се овозможило голем број на примероци од ткивата да се анализираат. Целта на експериментите на САД била да се испита ефектот на микрогравитацијата на различните телесни системи.
Експериментите со приматите биле осмислени за да се проучува растот и развојот на периферниот скелет. Изучувањата на ткивата од стаорците опфатиле широк спектар на дисциплини. Ефектите на микрогравитацијата на срцето, црниот дроб, тенкото црево и коскеното ткиво, функцијата на црниот дроб, растот на скелетот, а нивоата на хормоните и метаболизмот биле испитувани со различни пристапи. Други испитувања биле со цел да се увидат промените во имунолошкиот, нервниот и репродуктивниот систем, во мускулите и сврзното ткиво и во скелетната и минералната биле пренесени во лабораторијата за стаорци. Две макаки наречени Дрема и Јероша биле сместени во лабораторијата за примати.
Детали NSSDC ID 1987-083A
Други ознаки Биокосмос 8 Космос 1887 18380
Датум на лансирање/Време 1987-09-29 во 12:50:00 UTC
Маса во орбита 6.700 кг
Поврзано
1987 година во космонаутиката Животни во вселената
Наводи
Надворешни врски Cosmos 1887: science overview FASEB Journal NASA
Категорија:Сателити „Космос“ Категорија:Космонаутиката во 1987 година Категорија:Вселенски летала пуштени во 1987 година