мини|Џон Колтрејн во 1963 год. Џон Вилијам Колтрејн (; 23 септември 1926—17 јули 1967)John Coltrane. allmusic бил американски џез саксофонист. Еден е од најголемите џез великани, и великани од модерната музика воопшто, Колтрејн бил познат по својата музичка виртуозност и постојано движење на границите на џезот.

Животопис Колтрејн е роден во Северна Каролина. Кон крајот на 1940-тите години почнал да свири во оркестарот на Дизи Гилеспи, а во 1953 година ѝ се придружил на групата на Џони Хоџиз. Првиот голем чекор во својата кариера го направил во 1955 година, кога го заменил Сони Ролинс во т.н. „првиот голем квинтет“ на Мајлс Дејвис. Со таа група снимил неколку славни албуми, но во 1957 година Колтрејн се оддалечил од групата заради зависноста од хероин. Кога се ослободил од хероинот, Колтрејн ѝ се придружил на групата на Телониус Манк. За овој период Колтрејн изјавил дека бил пресуден во неговиот животот. Во 1958 година се вратил во групата на Мајлс Дејвис и свирел на албумите Milestones (1958) и Kind of Blue (1959), станувајќи најпознатиот тенор-саксофонист на своето време.

Својата прва гупа (квартет) ја основал во 1960 година, кога почнал да свири сопран-саксофон и да се движи кон слободен џез. Сепак, најголемата слава ја доживеал со својот „класичен квартет“, заедно со пијанистот Мекој Тајнер, контрабасистот Џими Герисон и тапанарот Елвин Џоунс. Со оваа група во 1964 година го снимил еден од своите најзначајни албуми, „Совршена љубов“ (англиски: A Love Supreme). Од 1965 година, Колтрејновата музика станувала сè понепристапна, бидејќи создавал импровизација без јасно дефинирана форма и хармонија. Членови на неговата тогашна група, покрај другите, биле и Фероа Сендерс и Колтрејновата жена, Алис.

Џон Колтрејн починал во 1967 година од рак на црниот дроб.

Значење и влијание Џон Колтрејн е мотив на повеќе дела од музиката и книжевноста, како: „Приказна за животот и времето на Џон Колтрејн: одглумена од него“ (англиски: A narrative of the life and times of John Coltrane: Played by himself) — песна на американскиот поет Мајкл С. Харпер (Michael S. Harper).Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 142-144. „Мил Џон, мил Колтрејн“ (англиски: Dear John, dear Coltrane) — песна на Мајкл С. Харпер.Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 148-150. „Овде каде што е Колтрејн“ (англиски: Here where Coltrane is) — песна на Мајкл С. Харпер.Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 152-154. „Аферата Џон Колтрејн“ — расказ на македонскиот писател Иван Шопов од 2018 година.Очудувања 3. Скопје: Бегемот, 2019, стр. 21-37. „Блуз на Џон Колтрејн на стереото“ (англиски: John Coltrane Stereo Blues) — песна на американската рок-група Дрим синдикејт (The Dream Syndicate) од 1984 година.The Dream Syndicate – Medicine Show (посетено на 12.6.2022)

Наводи

Категорија:Американски музичари Категорија:Добитници на Пулицеровата награда Категорија:Христијански светци од 20 век Категорија:Родени во 1926 година Категорија:Починати во 1967 година