Бутковско Езеро (, Лимни Керкини) — езеро во Егејска Македонија, дел од групата на Егејските езера.
Езерото се наоѓа кај селото Бутково (Серско). Според историските податоци, во антиката се нарекувало Прасида, а во неговата околина живееле Пајонци. Херодот зборува за нивните наколни населби во Бутковското и Тахинското Езеро.
Географија Езерото се наоѓа меѓу планините Беласица и Круша, во северниот дел на Серското Поле. Претставува котлина на текот на реката Струма. Порано било големо блато, но во 1932 г. неговата површина е зголемена со преградување на источниот и јужниот дел.Во 1982 г. браната е зголемена, со што се зголемил и водостојот за 4-8 м. Северниот дел е блатест со просторна пловна вегетација. Опколено е од ниви, плантажи со тополи и ридови, покриени со листопадни шуми. Прогласено за природен резерват.
Хидролошки податоци Се наводнува главно од реката Струма, како и од неколку мали рекички од Беласица и Круша. Езерото постојано ја менува големината во зависност од сезоната и врнежите.
Флора и фауна мини|десно|Рибарски чамци на езерото
Гнездење Кај езерото гнездат следниве птици:
мал нуркач (Tachybaptus ruficollis) цуцулест нуркач (Podiceps cristatus) голем корморан (Phalacrocorax carbo sinensis) мал корморан (Phalacrocorax pygmeus) мал воден бик (Ixobrychus minutus) ноќна чапја (Nycticorax nycticorax) жолта чапја (Ardeola ralloides) мала бела чапја (Egretta garzetta) сива чапја (Ardea cinerea) црвена чапја (Ardea purpurea) бел штрк (Ciconia ciconia) црн ибис (Ibis Plegadis falcinellus) чапја лажичарка (Platalea leucorodia) дива гуска (Anser anser) црн кожувар (Aythya nyroca) долгонога шлука (Himantopus himantopus) речна рибарка (Sterna hirundo) белобрада рибарка (Chlidonias hybridus) и црна рибарка (Chlidonias niger)
Во околните шуми гнездат: црна луња (Milvus migrans), орел змијар (Circaetus gallicus), краткопрст јастреб (Accipiter brevipes), мал креслав (пегав) орел (Aquila pomarina), мал орел (Hieraaetus pennatus).
Преселници За време на преселбите се среќаваат: цуцулест нуркач (Podiceps cristatus), обичен пеликан (Pelecanus onocrotalus), жолта чапја (Ardeola ralloides), мала бела чапја (Egretta garzetta), црн штрк (Ciconia nigra), сабјарка (Recurvirostra avosetta), бојник (Philomachus pugnax) и црноопашна блатарка (Limosa limosa).
Презимување Крај езерото презимуваат следниве птици: голем корморан (Phalacrocorax carbo sinensis), мал корморан (Phalacrocorax pygmeus), белоглав (кадроглав) пеликан (Pelecanus crispus) (600), голема бела чапја (Egretta alba), обична белочелна гуска (Anser albifrons), дива гуска (Anser anser) (200+), патка берија (Anas crecca) (макс. 40.000), дива патка (Anas platythynchos) (макс. 31.000). мала белочелна гуска (Anser erythropus) и обичен жерав (Grus grus).
Надворешни врски
Портал на Бутковското Езеро Бутковско Езеро — EarthLife
Категорија:Езера во Егејска Македонија Категорија:Рамсарски места во Грција