MF «Huglo», i dag MS «Isla», er ei bilferje bygd for Hardanger Sunnhordlandske Dampskipsselskap (HSD) i juni 1962. Ferja vart bygd ved Stord Verft som det 166. fartøyet bygd der. Ferja går i dag i fart i Finland.
Historie Ferja vart sett inn i ruta Løfallstrand-Gjermundshamn og Jektavik-Flatråker-Nordhuglo. Frå 1973 gjekk ho i ruta Jondal-Tørvikbygd og somrane 1975, 1976 og 1978 i ruta Hatvik-Venjaneset.
Ferja vart i juni 1980 selt til Simon Møkster i Stavanger og same månad seld vidare til Hans Norland som omdøypte ferja «Ulla-Førre». I mai 1987 kjøpte Landsnes Fisk & Transport A/S i Helgøysund ferja og gav ho namnet «Bjørneland».
Ferja vart selt til Finland i juni 1989 for selskapet J. Valto Oy-Ab i Sysmä. Ho fekk først namnet «Björneland» og så i august same året namnet «Linta». Ferja vart ført til Mantyluoto og så over land til innsjøen Vesuärvi. Fram til 1996 gjorde ho rundturar på sjøen. I 1996 vart ho selt vidare til Oy Päi-Ke Matkailu Ab i Kuhmoinen og gjekk i rute mellom Kuhmoinen og Sysmä. Ferja vart i februar 2002 seld til JS Ferryway Ltd. Oy i Åbo og renovert.
Frå 2003 til juli 2011 gjekk ho i sommarute i skjergarden kring Åbo, i ruta Nagu/Nauvoo-Själö/Seilin Saari-Hanka. Ferja fekk i januar 2012 namnet «Isla» og i juli same året vart ho sett i Nystad. I 2013 vart ferja kraftig ombygd og fekk nye motorar på eit verft i Teijo/Tykö, mellom anna fekk ho nytt styrehus frå «Stella», som tidlegare var båten MF «Vengsøy». Frå 2014 går ferja i Rymättylän-ruta for Haapala i skjergarden utanfor Åbo i Bottenvika. Kontraktsperioden går frå 2014 til 2023.
Kjelder Skipet.no Fjordfähren (tysk)
Bakgrunnsstoff Noverande posisjon
Kategori:Norske ferjer Kategori:Skip frå 1962 Kategori:HSD-eigde fartøy Kategori:Finske ferjer Kategori:1962 i Noreg Kategori:Båtar frå Vestland Kategori:Skip bygde ved Aker Stord