«Any Day Now» er ein popsong skriven av Burt Bacharach og Bob Hilliard i 1962. Han har vorte spelt inn av mange artistar gjennom åra, som Chuck Jackson i 1962, Alan Price i 1965, Elvis Presley i 1969, og Ronnie Milsap i 1982.
Chuck Jackson Jackson, ein R&B-songar fødd i Sør-Carolina i 1937, spelte inn den første versjonen av songen som vart ein hit på Billboard Hot 100. Han nådde 23. plassen i 1962 med tittelen «Any Day Now (My Wild Beautiful Bird)» og låg seks veker inne på Topp 40. Versjonen til Jackson vart gjeven ut på albumet hans, Any Day Now. Songen vart den største hitten til Jackson og nådde òg låg òg tre veker på andreplassen på Hot Black Sides-lista.
Elvis Presley Presley spelte inn ein versjon av «Any Day Now» den 21. februar 1969 i American Sound studios i Memphis, Tennessee. Denne versjonen vart gjeven ut på albumet From Elvis in Memphis. Songen vart ikkje gjeven ut som singel, men finst på B-sida til hitten «In the Ghetto», frå same albumet. Denne singelen nådde tredjeplassen i USA.
Ronnie Milsap
Milsap, ein populær country/popartist, spelt inn den mest kjende versjonen av songen. Han var den første singelen frå albumet Inside i 1982, og nådde 14. plass på Billboard Hot 100-lista og låg ni veker på Topp 40. I tillegg gjekk songen til topps på både Billboard Hot Country Singles-lista (ei veke) og Hot Adult Contemporary Singles-lista (fem veker). Han nådde òg førsteplassen på dei tilsvarande kanadiske listene.
Produsenten til Milsap, Tom Collins, oppfordra Milsap til å gjere songen annleis enn originalen frå Chuck Jackson. Milsap spelte han derfor i ein annan toneart og song han meir varsamt.
Lister Liste (1982)PlasseringU.S. Billboard Hot Country Singles1U.S. Billboard Hot 10014U.S. Billboard Hot Adult Contemporary Tracks1Kanadiske RPM Country Tracks1Australian Kent Music Report96Kanadiske RPM Adult Contemporary Tracks1
1982-listerPlasseringU.S. Billboard Hot Country Singles37U.S. Billboard Hot Adult Contemporary Tracks1U.S. Billboard Hot 10083U.S. Cashbox Top 10095
Andre versjonar Songen vart kjenningsmelodien til det amerikanske fjernsynsdramaet med same namn som gjekk på kabelkanalen Lifetime, med Annie Potts og Lorraine Toussaint. Verset i songen vart sungen av Lori Perry. Bill Medley spelte inn songen i 1969 på albumet Soft and Soulful. Scott Walker gav ut eit album kalla Any Day Now i 1973, med denne songen som opningssongen. Countrysongaren Don Gibson gav òg ut ein versjon av «Any Day Now», so nådde Topp 40 på Billboard country-lista i 1979. Songaren Percy Sledge spelte inn «Any Day Now» i 1969, og denne versjonen nådde 35. plass på Billboard R&B-lista og 86. plass på Hot 100. Luther Vandross spelte inn «Any Day Now» i 2001 på albumet Luther Vandross. Vandross-versjonen vart i 2003 nominert til ein Grammy award i kategorien beste tradisjonelle R&B-song. James Brown spelte inn ein versjon av «Any Day Now» i 1969 på album It's a Mother. Carla Thomas spelte ein versjon av «Any Day Now» i 1967 på albumet The Queen Alone. Ein italiensk versjon av songen - kalla «Bambolina» - vart gjeven ut i 60-åra av fleire grupper og sonarar, kanskje mest kjend med I Corvi (1967) og Mal Ryder - a.k.a. Mal dei Primitives - (1968)
Kjelder
Denne artikkelen bygger på «Any Day Now (Chuck Jackson song)» frå , den 3. mai 2014. oppgav desse kjeldene: Roland, Tom, The Billboard Book of Number One Country Hits (Billboard Books, Watson-Guptill Publications, New York, 1991 (ISBN 0-82-307553-2). Whitburn, Joel (1996). The Billboard Book of Top 40 Hits, 6th Edition (Billboard Publications) Whitburn, Joel, Top Country Songs: 1944-2005, 2006. Whitburn, Joel, Top Pop Songs: 1955-2006, 2007.
Bakgrunnsstoff
Kategori:Songar frå 1962 Kategori:Singlar frå 1962 Kategori:Singlar frå 1982 Kategori:Chuck Jackson-songar Kategori:James Brown-songar Kategori:Elvis Presley-songar Kategori:Percy Sledge-songar Kategori:Scott Walker-songar Kategori:Ronnie Milsap-songar Kategori:Luther Vandross-songar Kategori:Frankie Valli-songar Kategori:Don Gibson-songar Kategori:Carla Thomas-songar Kategori:Peter & Gordon-songar Kategori:Songar på toppen av Billboard Hot Country Songs-lista Kategori:Songar på toppen av Billboard Adult Contemporary-lista Kategori:Songar med musikk av Burt Bacharach Kategori:Songar med tekst av Bob Hilliard Kategori:RCA Records-singlar Kategori:Tom Jones-songar Kategori:Carpenters-songar Kategori:The Drifters-songar Kategori:Lou Rawls-songar Kategori:Paul Carrack-songar