Mats Hummels () er ein tysk tidlegare fotballspelar som vart tysk ligameister og pokalvinnar med så vel Borussia Dortmund som med Bayern München. I 2014 vart han verdsmeister med Tyskland sitt landslag i Brasil. Hummels var midtsttoppar.
Klubbspel Hummels vart flaska opp i Bayern München-systemet og fekk sin ligadebut i mai 2007. Frå januar 2008 til sommaren 2016 spelte han for Borussia Dortmund i meir enn åtte år. Her hadde han frå 2009 fast plass i midtforsvaret til eit lag som vann bundesligaen i 2011 og 2012. I 2012 sikra mannskapet seg også DFB-pokalen ved å slå Bayern München 5–2 i finalen, Hummels skåra det andre målet på straffespark. Eitt år seinare møttest dei som to klubbane til finale i meisterligaen, ein kamp Borussia Dortmund tapte med 1–2.
Sesongane 2016-19 gjorde Hummels teneste i Bayern München-forsvaret. Alle tre åra var han med på å vinne bundesligaen. Han avslutta tida med FC Bayern som vinnar DFB-pokalen 2019 etter siger 3–0 over RB Leipzig.
Perioden 2019 til -24 var Hummels atter å sjå Borussia-drakt. Han vann sin tredje DFB-pokal då Borussia Dortmund i 2021 slo RB Leipzig framfor tome tribunar, engelske Jadon Sancho og norske Erling Håland skåra kvar sine to mål i kampen, medan spanske Dani Olmo reduserte for Leipzig. 1. juni 2024 spelte Hummels sin siste kamp for Borussia Dortmund, meisterligafinalen mot Real Madrid i London enda med tap 0–2. Han la opp i 2025 som AS Roma-spelar
Landslagsspel Hummels aksla den tyske landslagsdrakta i 78 kampar. Han fekk sin debut i mai 2010 og spelte sin siste landskamp i november 2023. Under Fotball-EM 2012 var han fast i midtforsvaret alle fem kampane til Tyskland. Også då Tyskland gjekk heilt til topps i Fotball-VM 2014, deltok han i alle turneringskampane. Han skåra i gruppespelkampen mot Portugal og han var matchvinnar då Tyskland slo Frankrike 1–0 i kvartfinalen. Sidan representerte han Tyskland i Fotball-EM 2016 og Fotball-VM 2018. Hummels noterte seg for i alt 5 landslagsmål.
Merittar Verdsmeister: 2014 for Vest-Tyskland Tysk ligameister: 2011 og 2012 for Borussia Dortmund; 2017, 2018 og 2019 for Bayern München Vinnar av DFB-pokalen: 2011 og 2021 for Borussia Dortmund; 2019 for Bayern München Finalist i UEFA-meisterligaen: 2013 og 2024 for Borussia Dortmund
Kjelder
Denne artikkelen bygger på «Mats Hummels» frå , den 6. august 2026.
eu-football
Kategori:Tyske fotballspelarar Kategori:Bayern München-spelarar Kategori:Borussia Dortmund-spelarar Kategori:Spelarar i Fotball-EM 2012 Kategori:Spelarar i Fotball-VM 2014 Kategori:Spelarar i Fotball-EM 2016 Kategori:Spelarar i Fotball-VM 2018