Barytt er eit tungspat, rombisk mineral som består av bariumsulfat, BaSO4. Fargen er oftast kvit, grå, gul eller blå. Det finst særleg på hydrotermale gonger og som konkresjonar i sediment. I Noreg er det funne mellom anna i Kongsberg og Tråk i Bamble.
Barytt er det viktigaste råstoffet for framstilling av andre bariumsambindingar. Det har store bruksområde ved produksjon av kvite fargar og blir brukt som fyllstoff i papir og appretur i tekstilindustrien. Store mengder blir nytta på grunn av den høge densiteten i boreslam til petroleumsboring. Verdsproduksjonen ligg på omkring 6 millionar tonn, med Kina og India som dei største produsentane.
Til baryttgruppen høyrer òg minerala cølestin SrSO4 og anglesitt PbSO4.
Kjelder Barytt. (14. februar 2009). I Store norske leksikon. Henta 13. februar 2014.
Bakgrunnsstoff
kategori:Bariummineral kategori:Sulfatmineral kategori:Ortorombiske mineral