Sodalitt er eit kubisk mineral som tilhøyrer feltspatoida. Det finst i nefelinsyenittar og fonolittar. Fargen er oftast blå eller grå. Viser i mange tilfelle ein sterk oransje fluorescens. Ein varietet som er raudleg på friskt brot, men som raskt mistar fargen ved lyspåverknad, blir kalla hackmanitt. Sodalitt er i Noreg mellom anna kjent frå nefelinsyenittpegmatittar ved Langesundsfjorden og på Seiland i Finnmark.
Sodalitt er eit klorhaldig silikat av natrium og aluminium. Til sodalittgruppa høyrer tre andre kubiske mineral som inneheld sulfat eller svovel i staden for klor.
Mineralet vart oppdaga i 1811 i Ilimaussaq intrusjonskompleks i Grønland, men vart ikkje viktig som ornamentstein før 1891, då store mengder vart oppdaga i Ontario i Canada.
Sodalittgruppa
sodalitt Na8Al6Si6O24Cl2 nosean Na8Al6Si6O24(SO4)·H2O lasuritt (Na,Ca)8(Al,Sei)12(O,S)24(SO4) hauyn (Na,Ca)4-8Al6Si6(O,S)24(SO4,Cl)1–2
Kjelder Sodalitt. (2012, 20. januar). I Store norske leksikon. Henta 14. februar 2014 frå http://snl.no/sodalitt.
Bakgrunnsstoff
kategori:Feldspatoid kategori:Sodalittgruppa kategori:Halidmineral kategori:Aluminiummineral kategori:Edelsteinar kategori:Kubiske mineral