Bat Shlomo (hebraisk skrift בָּת שְׁלֹמֹה, tyder 'Salomons dotter') er ein moshav nord i Israel. Han ligg på sørsida av Karmelberget nær Binyamina og Zikhron Ya'akov, og vart opphavleg bygd på 8068 mål land. Han høyrer til Hof HaCarmel regionale kommune. I 1947 hadde han eit folketal på 100. I 2006 hadde han eit folketal på 424.
Landsbyen vart grunnlagd i 1889 som ein dotterbusetnad til Zichron Ya'akov, betalt av baron Rothschild, og vart kalla opp etter Betty Salomon, dotter til Salomon Mayer von Rothschild (onkelen til baronen). I 1951 vart ein moshav grunnlagd av transilvanske og jemenittiske emigrantar frå den originale landsbyen. Landsbyen hadde opphavleg tenkt å livnære seg på vindruer, men dette vart aldri noko av.
Kjelder
Denne artikkelen bygger på «Bat Shlomo» frå , den 8. april 2015.
Kategori:Moshavar Kategori:Busetnader grunnlagde i 1889 Kategori:1889 i Det osmanske riket Kategori:Jødiske landsbyar i Palestinamandatet Kategori:Busetnader i Haifa distrikt