Oddvard Nilsen () er ein tidlegare norsk politikar for Høgre. Han var ordførar i Askøy kommune 1990–1993, innvald på Stortinget frå Hordaland 1993–2005 og parlamentarisk leiar for Høgre 2001–2005.
Familie Nilsen er son av murarsvenn Odd Nilsen (1917–1964) og industriarbeidar Ellinor Jensen (1917–2003). Farsslekta verka innan murarfaget i fleire generasjonar. Oddvard Nilsen er gift med Torill Nilsen (1948–), som var medlem av Askøy kommunestyre 1995–2003. Paret har tre søner saman, mellom dei fylkesordføraren Tom-Christer Nilsen (f. 1969) og friidrettsutøvaren Trond Erik Nilsen (f. 1972).
Karriere Etter militær grunnutdanning tok Nilsen lærarskulen som privatist. Han har òg vore trenar og styremedlem i Norges Friidrettsforbund. Nilsen har bakgrunnen sin frå skuleverket, og har vore rektor ved Kleppestø og Ravnanger ungdomsskular på Askøy. Han var leiar i Hordaland Høgre 1990–1994 og medlem av Høgres arbeidsutval 1996–2005. I stortingsperiodane 1993–2001 sat han i Stortingets transport- og kommunikasjonskomité, siste perioden som leiaren av komiteen. I perioden 2001–2005 var han medlem av Stortingets utanrikskomité. Då Jan Petersen vart utanriksministar, vart Nilsen vald til parlamentarisk leiar.
Etter tida på Stortinget var Nilsen styreleiar i Helse Vest RHF 2005–2014.
Oddvard Nilsen vart den 11. mars 2006 utnemnd til æresmedlem av Hordaland Høgre.
Kjelder
Denne artikkelen bygger på «Oddvard Nilsen» frå , den 18. desember 2015.
Bakgrunnsstoff
Kategori:Høgreordførarar i Hordaland Kategori:Folk frå Askøy Kategori:Stortingsrepresentantar 1993-1997 Kategori:Stortingsrepresentantar 1997-2001 Kategori:Stortingsrepresentantar 2001-2005 Kategori:Stortingsrepresentantar for Hordaland Kategori:Stortingsrepresentantar frå Høgre