Lars Konrad Bjørnsson Jelsa () var ein norsk gardbrukar og politikar frå Jelsa i Ryfylke. Han var 1901-06 og 1910-12 stortingsmann for Moderate Venstre.
Lars Jelsa var son til gardbrukaren Bjørn Larsson Jelsa og kona Mette Dorthea Christine Helgesdtr., Meidell. Frå han var 15 til han var 17 år gammal var han lærar i heimbygda. Faren sende han deretter til landbruksskulen på Austrått, ferdig der i 1870. Frå 1873 til 1890 arbeidde han som utskiftingsassistent i Stavanger amt, utskiftingsformann 1884-93 og på ny frå 1895. I 1889 overtok han farsgarden Jelsa og dreiv denne til eldste sonen tok over.
Jelsa var ordførar 1884-91 i Jelsa herad. Valbolken 1895-97 var han fyrste varamann til Stortinget og møtte 1896-sesjonen frå 25. juli i staden for Nikolai Lima. Jelsa hadde fast sete på Stortinget 1901-06 frå Stavanger amt, medlem 1901-03 i Konstitusjonskomiteen og 1904-06 i Vegkomiteen. Han lukkast ikkje å verte vald ved stortingsvalet 1906, men hausten 1909 vart han vald til tingmann frå einmannskrinsen Ryfylke, medlem 1910-12 i Landbrukskomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1901-1903 Kategori:Stortingsrepresentantar 1904-1906 Kategori:Stortingsrepresentantar 1910-1912 Kategori:Folk frå Suldal