Siri Ingvaldsen () er ein norsk bibliotekar og lærar. Ho er fødd i Bergen og busett i Dale i Sunnfjord i Fjaler kommune sidan 1983.
Ingvaldsen er bibliotekar og lærar, med hovudfag i historie. Ho har vore tilsett mellom anna ved Universitetet i Agder, Haugland Internasjonale Forskings- og Utviklingssenter (HIFUS), Røde Kors Nordisk United World College, i Fjaler kommune og i Sogn og Fjordane fylkeskommune. Sidan 2013 har ho vore tilsett som fylkesbiblioteksjef i Sogn og Fjordane.
Ingvaldsen har bidrege i bokprosjekt og tidsskrift med artiklar om bibliotekfaglege og historiske emne, og mellom anna vore prosjektleiar for prosjekt knytte til Gulatinget i Gulen kommune og internasjonalt tingstadsamarbeid i Nord-Atlanteren. Boka Gulatinget, utgitt på norsk i 2011 og engelsk i 2012, er resultat av eit formidlingsprosjekt om tingstaden.
I perioden 2009-2013 var Siri Ingvaldsen leiar i Program for skulebibliotekutvikling, ei nasjonal satsing som Universitetet i Agder gjennomførte på vegner av Utdanningsdirektoratet.
Bibliografi Bøker
I tidsskrift - eit utval Lokalhistoriske artiklar Sogn og Fjordane Publikasjonar i Oria
Kjelder Selja forlag
Kategori:Norske sakprosaforfattarar Kategori:Norske bibliotekarar Kategori:Forfattarar frå Fjaler