Oddmund Løkensgard Hoel () er ein norsk språkforskar og forfattar, og dessutan politikar for Senterpartiet. Han var forskings- og høgare utdanningsminister i regjeringa Støre frå 23. januar 2024 til 4. februar 2025.
Hoel var leiar i Noregs Mållag i perioden mellom 1999 og 2002.
Liv og virke Utdanning Hoel er utdanna cand.philol. med nordisk hovudfag og skreiv hovudoppgåva Nasjonalisme i norsk målstrid 1848–1865 (1996). Hoel har vore forlagsredaktør i Det Norske Samlaget 1996–2000, og hadde ansvar for lærebøker for høgare utdanning (humaniora), ordbøker og språkteknologi.
Hoel var doktorgradsstipendiat i historie ved Høgskulen i Volda 2003–2007, og tok doktorgraden (ph.d) i historie i 2009, med doktoravhandlinga Målreising og modernisering i Noreg 1885–1940. Han har sidan 2007 vore tilsett som høgskulelektor/førsteamanuensis ved Avdeling for samfunnsfag, Høgskulen i Sogn og Fjordane, frå 2017 Høgskulen på Vestlandet.
Politisk karriere Hoel var kommunestyrerepresentant i Luster kommune 2019–2023. I oktober 2021 vart han tilsett i Kunnskapsdepartementet som statssekretær for Ola Borten Moe, og seinare Sandra Borch. Den 23. januar 2024 vart han sjølv utnemnd til forskings- og høgare utdanningsminister i regjeringa Støre, etter at Borch gjekk av som statsråd.
Bibliografi Bøker
I bøker - eit utval
Kjelder Fylkesleksikon Sogn og Fjordane Nettstaden til Oddmund Løkensgard Hoel Referansar
Bakgrunnsstoff Oddmund Løkensgard Hoel i Høgskulen på Vestlandet. Oddmund Løkensgard Hoel sin eigen nettstad. Hoel i tidsskrift - eit utval ved Lokalhistoriske artiklar Sogn og Fjordane.
Kategori:Norske sakprosaforfattarar Kategori:Norske språkforskarar Kategori:Statsrådar i Regjeringa Støre Kategori:Senterpartistatsrådar Kategori:Statssekretærar i Regjeringa Støre Kategori:Statssekretærar frå Sp Kategori:Forfattarar frå Luster