«Ubangi Stomp» er ein USA-amerikansk rockabillysong. Han vart skriven av Charles Underwood og først spelt inn av Warren Smith i 1956. Versjonen hans gjekk ikkje inn på salslistene, men vart ein rockabillystandard som sidan vart spelt inn av mange andre artistar.
«Ubangi Stomp» er ein beinfram, kjapp rock and roll-song utan ein særleg djup tekst («Ubangi stomp ubangi style / When the beat just drives a cool cat wild») fortalt i førsteperson om ein sjømann som dreg til Afrika og oppdagar den lokale musikken og dansen.
The Ubangi Stomp Festival er ein årleg internasjonal festival med amerikansk roots- og rockabillymusikk som har fått namn etter denne songen.
Saksofonisten Earl Bostic gav ut ein instrumental kalla «Ubangi Stomp» i 1954, men utanom tittelen har denne ikkje noko å gjere med Underwood sin song.
Kjende innspelingar Warren Smith (singel) (1956, Sun #250) Jerry Lee Lewis på albumet Jerry Lee Lewis (1958, Sun) The Trashmen (singel) (1965, Argo #5516) Alice Cooper, på albumet Lace and Whiskey (1977, Warner Bros.) John Prine, på albumet Pink Cadillac (1979, Asylum) The Cichlids på albumet Be True To Your School (1980, TK) The Stray Cats, på albumet Stray Cats (1981, Arista) Gary Young (singel) (1981) The Honeymoon Killers, på albumet The Honeymoon Killers from Mars (1984, Fur) The Busters (singel) (1996) Danny Gatton and Robert Gordon, på albumet The Humbler (live frå 1981, utgjeve i 1996) Eddie Hinton, på albumet Hard Luck Guy (1999, Capricorn)
Foghat spelte inn ein versjon under innspelinga til det første albumet sitt, Foghat, men denne kom ikkje med på albumet. Han vart gjeven ut i 1992 på samlealbumet Best of Foghat Volume 2 og The Definitive Rock Collection i 2006.
Kjelder Denne artikkelen bygger på «Ubangi Stomp» frå , den 27. juli 2017. oppgav desse kjeldene:
Kategori:Songar frå 1956 Kategori:Rockabilly-songar Kategori:Singlar frå 1956 Kategori:Stray Cats-songar Kategori:Jerry Lee Lewis-songar Kategori:Alice Cooper-songar Kategori:John Prine-songar Kategori:The Trashmen-songar Kategori:Songar om Afrika Kategori:Foghat-songar