Morten Andreas Rosendahl () var ein kjøpmann, industrieigar og skipsreiar frå Bergen. Han representerte heimbyen på Stortinget i tida 1859-64.
Rosendahl var son til ein kjøpmann. Han tok sjølv kjøpmannseksamen og dreiv som kjøpmann frå 1831. I 1845 grunnla han ei industriverksemd i Fana som omfatta spinneri, reperbane og nålfabrikk. Seinare byrja han også å reie ut skip. Han var styreformann i Bergen brannforsikringsselskap frå 1868 og i sjøforsikringsselskapet Æolus. Perioden 1870-90 var han forlikskommissær.
Rosendahl var medlem i Bergen bystyre frå 1847 til 1888, dei fyrste åtte åra med sete i formannskapet. Over ein periode på femten år, 1850-64, var han ein av dei fremste kandidatane på valtinga i høve stortingsval. Han var stortingsmann 1859-60 , 1862-63 og på omframtstortinget 1864. Både i 1859-60 og 1862-63 var han medlem i Næringskomite nr 1, medan han i 1864 var med i Komiteen om senkinga av Øyeren.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske kjøpmenn Kategori:Stortingsrepresentantar 1859-1861 Kategori:Stortingsrepresentantar 1862-1864 Kategori:Folk frå Bergen