Potemkinkulisse er ein falsk fasade eller blendverk som skal skjula den verkelege utsjånaden til noko, og vanlegvis gje inntrykk av at det er betre enn det eigentleg er. Ein kan nytta slike kulissar til propagandaføremål.
Bakgrunn Nemninga skal ha kome frå den russiske fyrsten Grigorij Potemkin, som før keisarinne Katarina II av Russland vitja Krimhalvøya i 1787 sørgde for å byggja opp kulissar av fasadar utan bakgrunn langs dei øyda breiddene av Dnepr som skulle gje eit inntrykk av større velstand og utvikling enn kva det verkeleg var. Slik kunne han gje eit inntrykk av at han hadde kome lengre i utviklinga av den nyleg erobra halvøya under det russisk-tyrkiske krigen (1787–1792).
Historikaren Simon Sebag Montefiore som blant anna har skrive biografien Potemkin og Katarina den store – en keiserlig forbindelse, meiner at desse kulissene er ein myte som vart lansert av dei politiske fiendane til Potemkin.
Kjelder
Denne artikkelen bygger på «Potemkinby» frå , den 8. oktober 2018.
Kategori:Russiske ord og uttrykk Kategori:Propaganda