mini|Lagoppstillingane; Manchester United i raudt og Arsenal i gult

FA-cupturneringa i fotball 1979 vart avslutta med finale på Wembley stadion i London 12. mai 1979. 99 219 tilskodarar såg London-laget Arsenal FC sikre seg pokalen etter å ha vunne med 3-2 mot Manchester United. Det var femte gongen Arsenal triumferte i FA-cupen, den førre pokalsigeren fann stad i 1971.

Kampen Brian Talbot sende Arsenal i føringa i det 12. minutt. Eit par minutt før pausen nikka Frank Stapleton inn eit overlegg og det stod 2-0 på måltavla. Fem minuttar før ordinær tid var ute, reduserte Gordon McQueen til 1-2 og kampen tok fyr. To minuttar seinare dribla Sammy McIlroy vekk to forsvarsspelarar og frå 10 meters hald fekk pirka ballen forbi Arsenal-målvakta og i det bortre hjørnet. Omgåande slo Arsenal tilbake og Alan Sunderland skåra sigersmålet frå kort hald, på eit innlegg som gjekk over United-målvakta. Då var det mindre enn to minutt att til dommaren bles av oppgjeret.

På Arsenal sitt vinnarlag spelte: Pat Jennings, Pat Rice (kaptein), David O'Leary, Willie Young, Sammy Nelson, Liam Brady, Brian Talbot, David Price, Graham Rix, Alan Sunderland og Frank Stapleton. I 83. minutt gjekk Price ut og Steve Walford kom innpå.

Manchester United mønstra: Gary Bailey, Jimmy Nicholl, Gordon McQueen, Martin Buchan (kaptein), Arthur Albiston, Sammy McIlroy, Steve Coppell, Lou Macari, Mickey Thomas, Jimmy Greenhoff og Joe Jordan.

Dommaren heitte Ron Challis.

Kjelder

Denne artikkelen bygger på «1979 FA Cup Final» frå , den 6. mars 2019.

Kategori:Fotball i 1979 Kategori:Manchester United Kategori:FA-cupfinalar