Arrival er det 11. studioalbumet til det amerikanske rockebandet Journey, gjeve ut i 2001. Ein versjon med ein song byta ut kom ut i Japan alt i 2000. Det var det første albumet deira med den nye vokalisten Steve Augeri, som erstatta den populære frontmannen Steve Perry, og med Deen Castronovo, som erstatta Steve Smith på trommer.
«Arrival» består av ein type hardrock som minnar om stilen bandet hadde i 1970- og 1980-åra, men òg fleire balladar i signaturstilen til bandet med Perry. Vokalstilen til frontmannen Augeri har òg ein stil som minner om Perry. Albumet selte relativt godt og nådde 12. plassen på Billboard's Top Internet Albums-lista. Arrival fekk blanda kritikk, der nokre meinte det var formelbasert, medan andre roste element som gitarspelinga til Neal Schon.
Utgjeving og mottaking Albumet kom først ut i Japan seint i 2000, men då det vart spreidd på Internett, valde bandet å gje det ut i USA. Basert på tilbakemeldingar frå fansen som hadde høyrt den albumet på nettet, valde dei å spele inn to hardare rockesongar, «World Gone Wild» og «Nothin' Comes Close», som kom med på den amerikanske utgåva av albumet, medan dei tok bort «I'm Not That Way» frå den japanske utgåva.
Arrival inneheld ein mindre hit på adult contemporary-lista med balladen «All the Way». Albumet nådde 56. plassen på Billboard-lista, Arrival var det første albumet deira sidan Next i 1977 som ikkje selte til gullplate i USA.RIAA Gold and Platinum Search for albums by Journey . Henta 1. juni 2020. Det var òg det siste albumet deira for Columbia Records, som hadde vore selskapet deira sidan debutplata i 1975.
Innhald
Medverkande Bandmedlemmar Steve Augeri - solovokal Neal Schon - sologitar, korvokal Jonathan Cain - klaverinstrument, rytmegitar, korvokal, strykararrangement Ross Valory - bass, korvokal Deen Castronovo - trommer, korvokal
Produksjon Kevin Shirley - produsent, lydteknikar, miksing Aya Takemura - lydteknikar George Marino - mastering John Kalodner - A&R
Salslister ÅrListePlassering2000Oricon Den japanske albumlista192001Billboard 200 (USA) 56Top Internet Albums (USA) 12Den tyske albumlista75
Kjelder
Denne artikkelen bygger på «Arrival (Journey album)» frå , den 2. juni 2020. oppgav desse kjeldene:
Bakgrunnsstoff Heavy Harmonies page
Kategori:Musikkalbum frå 2001 Kategori:Journey-album Kategori:Columbia Records-album Kategori:Album produserte av Kevin Shirley