Philip Alexius de László () var ein ungarsk malar som særleg er kjend for portretta sine av kongelege og adelege kundar. Han var ein av dei leiande portrettmålarane i byrjinga av 1900-talet.
Karriere Philip de László var fødd i Budapest som Laup Fülöp Elek, son av ein jødisk skreddar, Adolf Laup. Familien endra etternamnet sitt til László i 1891.
Då han var ung var han tilsett som lærling hos ein fotograf, medan han samtidig studerte kunst. László fekk ein plass på det Nasjonale Kunstakademiet der han studerte under Bertalan Székely og Károly Lotz. Sidan studerte han i München og Paris.
Portrettet hans av pave Leo XIII gav han ein gullmedalje ved Verdsudstillinga i Paris i 1900.
I 1903 flytta László til Wien og i 1907 til London, der han budde resten av livet.
Kundane hans gav han ei rekkje talrike medaljar og ærestilvisingar. I 1909 blei han æresmedlem av Royal Victorian Order, som han fekk av kong Edvard VII av Storbritannia.
I 1912 blei han adla av keisar Frans Josef I av Austerrike-Ungarn, under namnet László de Lombos. Familien forkorta sidan namnet til de László.
I 1914 blei László britisk statsborgar, men under fyrste verdskrigen sat han internert i 12 månader frå 1917 til 1918.
László fekk eit hjarteåtak i 1936 og igjen året etter, då han døydde. Då han døydde hadde han måla over 2700 portrett. I 1939 kom boka Portrait of a Painter. The authorised Life of Philip de László ut. Bogen var skriven i samarbeid med László.
Galleri
Kjelder
Denne artikkelen bygger på «Philip de László» frå , den 30. november 2021.
Bakgrunnsstoff
Kategori:Ungarske jødar Kategori:Austerriksk adel Kategori:Folk frå Budapest Kategori:Portrettmålarar Kategori:Britiske målarar Kategori:Ungarske målarar Kategori:Austerrikske målarar