«Az én apám» (norsk 'min far') er ein song frå 2019 som vert framført av den ungarske songaren og rapparen Joci Pápai. Songen var det ungarske bidraget til Eurovision Song Contest 2019 i Tel Aviv i Israel. Pápai representerte òg Ungarn i Eurovision Song Contest 2017 med songen «Origo».
Om songen «Az én apám» er skriven av Joci Pápai sjølv, saman med Ferenc Molnár Caramel. Songen var eit av 30 bidrag til den ungarske songtevlinga A Dal, arrangert av kringkastaren MTVA og tv-kanalen Duna. Etter å ha kvalifisert seg frå dei innleiande rundane og semifinalane, var «Az én apám» ein av åtte finalistar 23. februar 2019. Songen vann finalen etter å fått flest røyster i telefonavrøystinga og vart dimed det ungarske bidraget i Eurovision Song Contest 2019. Dette var andre gongen Joci Pápai deltok i Eurovision Song Contest, etter å ha kome på åttandeplass for Ungarn i 2017 med låten «Origo».
Ein omarbeidd versjon av songen og ein musikkvideo vart publiserte 14. mars 2019.
Eurovision Song Contest I januar 2019 vart Ungarn trekt ut til å delta i den fyrste semifinalen av Eurovision Song Contest. Semifinalen vart halden i Expo Tel Aviv i Israel tysdag 14. mai, og Ungarn hadde startnummer 7. «Az én apám» enda på 12. plass i sin semifinale og var dimed ikkje kvalifisert til finalen laurdag 18. mai.
Listeplasseringar Liste (2019)Høgaste plassering (Single Top 40)2
Kjelder
Denne artikkelen bygger på «Az én apám» frå , den 26. desember 2021.
Kategori:Ungarske Eurovision Song Contest-songar Kategori:Eurovision Song Contest 2019-songar Kategori:Ungarskspråklege Eurovision Song Contest-songar