Anacamptis coriophora er ei plante i narrmarihandslekta Anacamptis i orkidéfamilien (marihandfamilien) Orchidaceae. Ho veks ikkje i Noreg.
Systematikk Anacamptis coriophora var tidlegare knytt til vårmarihandslekta Orchis med namnet Orchis coriophora, men er, saman med fleire andre artar, flytta til slekta Anacamptis.
I Plants of the World Online (Kew) reknar ein med desse underartane: A. coriophora subsp. carpetana (Willk.) Bernardos: Spania, Portugal, Algerie A. coriophora subsp. coriophora A. coriophora subsp. martrinii (Timb.-Lagr.) Jacquet & Scappat.: Frankrike, Spania
Utbreiing Arten (estisk namn luitkkäpp) er dokumentert i herbariebelegg frå Saaremaa i Estland på 1800-talet, men er rekna som regionalt utdøydd (RE). Det har òg vore rapportert om funn av arten heilt sør i Litauen, men dette er ikkje dokumentert.
I Benelux var arten (nederlandsk namn wantsenorchis, fransk namn orchis punaise) sist registrert i Nederland i 1915, i Flandern i Belgia i 1937. Det er mogleg at han framleis kan finnast i Vallonia. I den nederlandske raudlista er arten rekna som regionalt utdøydd (RE, verdwenen uit Nederland). På same måte er han i Belgia (som Orchis coriophora) rekna som regionalt utdøydd (RE, verdwenen uit het atlasgebied) i Flandern og i Vallonia (RE, éteint). I Luxembourg er han (som Orchis coriophora) òg rekna som regionalt utdøydd (RE).
I Tyskland er arten (som Orchis coriophora, tysk namn Wanzen-Knabenkraut) rekna som kritisk truga (CR, vom Aussterben bedroht). I Polen var arten (som Orchis coriophora, polsk namn storczyk cuchnący) rekna som utdøydd, men er attfunnen på eit par stader og rekna som kritisk truga (CR, krytycznie zagrożony). Dei kvite utgåvene blir der rekna som forma Orchis coriophora L. f. alba E. G. Camus.
Referansar
Bakgrunnsstoff
Kategori:Orkidear i Estland Kategori:Orkidear i Litauen Kategori:Orkidear i Nederland Kategori:Orkidear i Belgia Kategori:Orkidear i Luxembourg Kategori:Orkidear i Tyskland Kategori:Orkidear i Polen Kategori:Narrmarihandslekta