Philodice er ei biologisk slekt av kolibriar i stammen Mellisugini, «bikolibriar». Slekta omfattar berre to artar, heimehøyrande i neotropane, med oppstykka utbreiing frå Costa Rica i det austlege Mellom-Amerika til sørlege Ecuador i det nordvestlege Sør-Amerika.
Det maskuline slektsnamnet Philodice kjem frå gresk mytologi: Filodice, kona til Leucippos og dotter av Ínako.
Kjenneteikn
Kolibriane i denne slekta måler om lag 9 cm i lengd for hannar og 7,5 cm for hoer, tydeleg kjønnsdimorfisme i storleik. Hannane har ein raudleg-purpur glinsande strupeflekk, raudbrun nedre buk, grøn overside og ein sterkt kløyvd hale med smale fjør. Hoene har lys brunaktig kvit strupe og brystband, grøntspragla bryst, resten av undersida er raudbrun eller bleikbrun, oversida er grøn; stjerten er avrunda.
Systematikk og taksonomi Slekta Philodice vart føreslått av dei franske ornitologane Étienne Mulsant, Jules Verreaux og Édouard Verreaux i 1866, med Trochilus mitchellii som typeart, no kjend som Philodice mitchellii (purpurkolibri).
Dei to artane vart tidlegare plasserte i slekta Calliphlox. Fylogenetiske studiar viste at dei dåverande artane Calliphlox bryantae og Calliphlox mitchellii danna ein klade saman med slektene Eulidia, Microstilbon og Chaetocercus, og dei vart difor flytta til den attoppretta slekta Philodice.
Artsoversyn Slekt Philodice i rekkjefølgje etter IOC World Bird List V15.1, 2025, med norske namn etter Norske navn på verdens fugler. Verdas naturvernunion, IUCN, har vurdert begge artane som livskraftige: Bilete Norsk namn Vitskapleg namn Autor Utbreiing 140pxMagentakolibriPhilodice bryantae(, 1867)120px140pxPurpurkolibriPhilodice mitchellii(, 1847)120px Kjelder
Første versjon av denne artikkelen var basert på «Philodice (Trochilidae)» frå , den 17. juni 2025
Referansar
Bakgrunnsstoff
Kategori:Kolibrifamilien Kategori:Kolibriar i Mellom-Amerika Kategori:Kolibriar i Colombia Kategori:Kolibriar i Ecuador Kategori:Fugleslekter