Magnus Landin Jacobsen () er ein dansk handballspelar frå Helsingør. Han er firfaldig verdsmeister, olympisk meister 2024 og europameister 2026 med Danmark sitt sigerrike landslag. Landin, som er venstrekant i angrep, vann EHF-meisterligaen 2020 for tyske THW Kiel. Målvakta Niklas Landin er bror hans.
Magnus Landin spelte 2013/14 for Nordsjælland. Frå 2014 til -18 var han aktiv for Kolding IF, eit lag som i 2015 vart dansk meister. Perioden 2018-26 gjorde han teneste i det tyske topplaget THW Kiel. Her var han med på å vinne EHF-cupen 2019 og EHF-meisterligaen i 2020. På tysk-nasjonalt nivå sikra THW Kiel seg DHB-pokalen i 2019, 2022 og 2025, samstundes som laget sigra bundesligaen i 2020, 2021 og 2023. Sidan sommaren 2026 spelar Landin for danske Aalborg HB.
Magnus Landin har sidan 2015 delteke i 172 av Danmark sine landskampar og skåra 311 mål. Han vann gullmedalje i VM 2019, 2021, 2023, vart olympisk meister 2024, verdsmeister 2025 og europameister 2026. I tillegg har han fått med seg eitt OL-sølv og ein sølv og ein bronse frå to ulike europameisterskap.
Kjelder
Denne artikkelen bygger på «Magnus Landin Jacobsen» frå , den 9. mars 2026.
Kategori:Danske handballspelarar Kategori:Verdsmeistrar i handball Kategori:Europameistrar i handball Kategori:Olympiske meistrar for Danmark Kategori:Olympiske sølvmedaljevinnarar for Danmark Kategori:Olympiske medaljevinnarar i handball Kategori:Medaljevinnarar under sommar-OL 2020 Kategori:Danske deltakarar under sommar-OL 2020 Kategori:Handballspelarar under sommar-OL 2020 Kategori:Medaljevinnarar under sommar-OL 2024 Kategori:Danske deltakarar under sommar-OL 2024 Kategori:Handballspelarar under sommar-OL 2024