Cupfinalen i fotball 2002 var den 95. finalen i rekka av norske meisterskap i fotball for menn. Finalekampen vart spelt sundag 3. november på Ullevaal stadion i Oslo framfor 25 481 tilskodarar. Vålerenga Idrettsforening frå Oslo vann med 1 mål mot 0 over Odds Ballklubb frå Skien, forbigåande kalla Odd Grenland. Tommy Skjerven frå Kaupanger IL dømde finalen.
Kampen Bjørn Arild Levernes kom åleine med Odd-målvakta i kampens 5. minutt og styrte ballen inn i Odd-buret. Etter 37. minutt nikka Morten Fevang hardt mot hjørnet av VIF-buret, men Bolthof gjorde ei framifrå redning då han «lå strak ut og slo ballen ut». I det 84. minutt skaut og ballen sneia utsida av stanga. Kampen var prega av defensivt spel og lite kreativt angrepsspel, dermed sjansefattig og heller keisam.
Vålerenga sitt meisterlag bestod av Øyvind Bolthof, Freddy dos Santos, Erik Hagen, Knut Henry Haraldsen, Tom Henning Hovi, Pa-Modou Kah, Kjetil Rekdal, Johan Arneng, David Hanssen, Bjørn Arild Levernes og Tobias Grahn. Til ulike tider i andre omgang fekk Ronny Døhli, Thomas Holm og Kristen Viikmäe entre bana, ut gjekk Kah, Levernes og Grahn.
Odd Grenland stilte med Erik Holtan, Alexander Aas, Ronny Deila, Jan Frode Nornes, Anders Rambekk, Morten Fevang, Bent Inge Johnsen, Christian Flindt-Bjerg, Edwin van Ankersen, Martin Wiig, Jan Gunnar Solli. Vel midtvegs i andre omgangen vart Wiig, Flindt-Bjerg og Johnsen etter tur bytta ut, til fordel for Sveinung Fjeldstad, Brede Bomhoff og Espen Hoff.
Kjelder Dagsavisen, 4. november 2002
Kategori:NM i fotball Kategori:Sport i Noreg i 2002 Kategori:Noregsmeisterskap i 2002 Kategori:Idrettstilskipingar i Oslo