Ida Wolden Bache () er ein norsk økonom som blei sentralbanksjef for Noregs Bank i 2022. Ho er den første kvinnelege sentralbanksjefen i Noreg.

Utdanning og karriere Wolden Bache studerte samfunnsøkonomi (då kalla sosialøkonomi) ved Universitetet i Oslo (UiO) og blei Master of Science (M.Sc.) i samfunnsøkonomi ved London School of Economics i 1999, cand.oecon. ved UiO i 2000 og ph.d. i samfunnsøkonomi ved UiO i 2007 med avhandlinga Econometrics of Exchange Rate Pass-Through.

Under studiane var ho vitskapleg assistent ved Økonomisk institutt ved UiO 1996–1998 og forskings­assistent i Noregs Bank 1998–2000. Ho var konsulent, rådgjevar og senior­rådgjevar i Noregs Bank 2000–2009 og hadde ei bistilling (20 %) som førsteamanuensis i samfunns­økonomi ved Handelshøyskolen BI 2008–2010. Ho var assisterande direktør i penge­politisk avdeling i Noregs Bank 2009–2010, seniorøkonom i Handelsbanken Capital Markets 2010–2013, assisterande direktør i avdeling for finansiell stabilitet i Noregs Bank 2013–2015, avdelings­direktør i same avdeling 2015–2016 og avdelings­direktør i pengepolitisk avdeling i Noregs Bank 2016–2020. Ho blei vise­sentralbank­sjef i 2020.

Wolden Bache tok opp stillinga som mellombels sentralbanksjef i mars 2022. Etter avgjerd i Noregs statsråd blei ho utnemnt som ny sentralbanksjef 1. april 2022.

Kjelder

Denne artikkelen bygger på «Ida Wolden Bache» frå og «Ida Wolden Bache» frå , den 31. mai 2026.

Bakgrunnsstoff

CV på nettstaden til Norges Bank (norsk, engelsk) Ida Wolden Bache i Store norske leksikon (norsk)

Kategori:Norske økonomar Kategori:Norske sentralbanksjefar