Jon Almaas () er ein norsk programleiar og komikar frå Stabekk i Bærum som er mest kjend frå det populære humorprogrammet Nytt på nytt.
Almaas har vore programleiar i NRK-programmet Nytt på nytt sidan 1999. Han har også leidd Amanda-prisen og Spellemannprisen. Før det hadde han faste innslag i samlivsprogrammet Direkte sexy i 1998. Han byrja i NRK i 1994 som redaksjonsassistent. I åra 1995–97 budde han i Tromsø og arbeidde som produsent for Ja takk, begge deler, Krakk og Helg i solnedgang på NRK sitt lokalkontor der. I denne perioden jobba han også som skodespelar i produksjonane. Etter dette gjekk veien til Marienlyst att, der han var produsent for Go’ elg og Newton frå 1997–99.
Av utdanning har han ein amerikansk bachelor-grad i International Business frå 1992. Almaas har sambuar og eitt born.
Forfattarskapen Almaas har også gjeve ut tre bøker, Slik blir du husets herre (2002), ei bok om vasking, Bare så du vet det (2003), ei bok med absurde nyttige og unyttige fakta, og Den store norske TV-boka (2006) med fakta om norske fjernsynskjendisar osb.
Bakgrunnsstoff Historia om Jon på nrk.no
Kategori:Norske komikarar Kategori:Norske skodespelarar Kategori:Norske forfattarar Kategori:Norske fjernsynsfolk Kategori:Norske programleiarar Kategori:Programleiarar for NRK Kategori:Folk frå Bærum