mini|Liguria og Den italienske rivieraen mini|Portofino, ein liten hamneby på Den italienske rivieraen
Den italienske rivieraen (italiensk Riviera ligure) er den smale kyststripa som ligg mellom Liguriahavet og fjella Dei maritime Alpane og Appenninane. Ho strekkjer seg frå grensa til Frankrike og Den franske rivieraen (eller Côte d'Azur) nær Ventimiglia (ein tidlegare tollstasjon) til Capo Corvo (òg kalla Punta Bianca) som markerer den austlege enden av La Spezia-bukta og ligg nær grensa til Toscana. Den italienske rivieraen strekkjer seg dermed langs nesten heile kysten av Liguria. Historisk strakk ho seg enno lenger vest forbi det som i dag er Monaco.
Rivieraen er sentrert rundt Genova, som deler kyststripa i to delar. Riviera di Ponente strekkjer seg vestover frå Genova til den franske grensa og Riviera di Levante mellom Genova og Capo Corva.
Rivieraen er kjend for det milde klimaet, som i lag med sjarmerande gamle fiskelandsbyar og den vakre naturen har trekt til seg turistar sidan Lord Byron og Shelley si tid.
Mange landsbyar og byar i området er internasjonalt kjende, som Portofino, Bordighera, Lerici og Cinque Terre.
Delen av Riviera di Ponente rundt Savona vert kalla Riviera delle Palme («Palmerivieraen»), delen rundt Sanremo vert kalla «Riviera dei Fiori», etter blomsterindustrien som har vore her i mange hundre år.
Av stader ved eller nær Den italienske rivieraen finn ein: Alassio Albenga Albissola Ameglia Andora Arenzano Arma di Taggia Bajardo Balestrino Bergeggi Bergeggi Bogliasco Bonassola Bordighera Borghetto Santo Spirito Borgio Verezzi Bussana Bussana Vecchia Brugnato Colletta di Castelbianco Camogli Campo Ligure Campomorone Camporosso Capo di Noli Capo Mele Castelvecchio di Rocca Barbena Celle Ligure Ceriale Ceriana Cervo Chiavari Cicagna Cinque Terre Corniglia Deiva Marina Diano Marina Finale Ligure Framura Gallinara Genova Genova Nervi Genova Pegli Genova S.Ilario Imperia Laigueglia Lavagna Lerici Levanto Loano Manarola Moneglia Monterosso al Mare Noli Ospedaletti Palmaria Pietra Ligure Portofino Portovenere Rapallo Recco Riomaggiore Riva Ligure San Bartolomeo al Mare San Fruttuoso San Lorenzo al Mare San Rocco Sanremo Santo Stefano al Mare Santa Margherita Ligure Sarzana Savona Sestri Levante Sori La Spezia Spotorno Taggia Vado Ligure Vallecrosia Varazze Ventimiglia Vernazza Voltri Zoagli Zuccarello
Sjå òg Den franske rivieraen Genovabukta Den tyrkiske rivieraen
Kategori:Italiensk geografi