Øyer er ein kommune i Innlandet fylke. Han grensar til Ringebu i nord, Stor-Elvdal i aust, Ringsaker og Lillehammer i sør, og Gausdal i vest. Kommunen omfattar to sokn, Øyer og Tretten, og administrasjonssenteret ligg på Tingberg. Totalarealet er ca. 640 km² av dette er rundt 20 km² vatn.«Om Øyer» ved oyer.kommune.no.
Namn og symbol Namnet Øyer er ei skriftform av 'øy' i tydinga 'låglende ved vatn'. Vatnet det er snakk om må då vera Gudbrandsdalslågen.«Om Øyer» ved oyer.kommune.no, som oppgav Norsk stadnamnleksikon. Kommunevåpenet viser «På grønn bunn en sølv hærder», det vil seia ein trering som tidlegare blei brukt til å setja fast tau rundt lass eller bører.
Geografi mini|venstre|Frå Hafjell om vinteren. Øyer har tradisjonelt vore ein jord- og skogbrukskommune. Jordbruksarealet er på rundt 32 000 daa, produktivt skogareal på rundt 163 000 daa og utmarksarealet rundt 360 000 daa. Det er om lag 180 gardsbruk i drift i kommunen som til saman har 1 200 mjølkekyr, 350 ammekyr og om lag 8 000 sauer og lam på beite om sommaren. Øyer har òg ein viss svineproduksjon, og kommunen har nav i ein purkering og i ein teststasjon for storfe.
I Øyer har fjellet lenge vore viktig, også som jordbruksområde. På 1960-talet dyrka ein opp store område på fjellet, og i dag ligg ein tredjedel av all dyrka mark her. Store delar av området er statsallmenning, det vil seie at staten er grunneigar medan bruken blir administrert av fjellstyret.
Gudbrandsdalslågen er rekna som ei god fiskeelv. Lågen og tilførande elvar kan medføra flaumfare, og ein storflaum i 1995 skapte store øydeleggingar i Tretten. I mai 2013 truga ein ny flaum, men kommunen kom frå han utan større skader.«Om flommen» , oyer.kommune.no; «E6 i Øyer bestod flomtesten», vegvesen.no
Reiseliv og fritid mini|Øyer rådhus Førebuingane til OL på Lillehammer i 1994 førte til kraftig utbygging fjellet for reiselivsutbygginga. Ved Hafjell Alpinsenter finst hotell, leilegheiter, storhytter og mange nye private hytter. Nord for alpinsenteret ligg golfbanen Hafjell Golf med ni hol.http://www.hafjellgolf.no/ Det finst likevel også mange urørte fjellområde i kommunen.«Severdigheter» , oyer.kommune.no
Det finst idrettsanlegg både i Øyer og på Tretten og ein idrettshall på Tretten, og fleire lysløyper her: Ved Tretten idrettshall, i Musdal som også er skiskyttarløype, på Granrudmoen og på Lisetra.
Verdt å sjå i Øyer Lilleputthammer Moksa kunstpark Hafjell Alpinsenter Tretten kyrkje Øyer kyrkje
Folk frå Øyer Johannes Skar (1837–1914), folklorist, lærar
Fotnotar
Bakgrunnsstoff Offisiell nettstad
Kategori:Tidlegare kommunar i Oppland Kategori:Kommunar i Innlandet Kategori:Gudbrandsdalen