}} «Penny Lane» er ein song av det engelske rockebandet The Beatles. Songen vart skrive av Paul McCartney,«Magical Mystery Tour» frå Beatles Songwriting & Recording Database men tilskriven Lennon/McCartney. Songen vart spelt inn under innspelinga av albumet Sgt. Pepper, men vart ikkje ein del av dette albumet. I staden vart han gjeve ut på singel i februar 1967 som ei dobbel A-side «Strawberry Fields Forever». Produsenten George Martin har uttrykt at desse to songane i lag utgjorde den beste singelen som bandet nokon gong gav ut.
Begge songane vart seinare gjevne ut på albumet Magical Mystery Tour i november 1967. I heimlandet Storbritannia er singelen kjend for å ikkje ha nådd førsteplassen, men stoppa på plassen bak Engelbert Humperdinck sin «Please Release Me».Greatest Chart Number Twos, The Guardian, mai 2004 Dette kom av at BBC talde dei to songane som to forskjellige singlar, så i røynda selde singelen nesten det dobbelte av det Humperdinck gjorde. I USA og i Noreg gjekk singelen til topps på listene. Songtittelen er namnet på ei gate i heimbyen til bandet, Liverpool. Området rundt gata vert òg ofte kalla Penny Lane.
McCartney og Lennon voks begge opp i dette området og dei møtte kvarandre ved Penny Lane då dei skulle ta bussen inn til byen. Gata er i dag ein turisattraksjon i byen, og gateskiltet vart så ofte stole at styresmaktene i byen til slutt valde å i staden måle gatenamnet på ein bygning. I 2007 var derimot skiltet tilbake på plass.
I 2010 sette musikkmagasinet Rolling Stone songen på 456. plass på lista deira over dei 500 største songane gjennom tidene.Rolling Stone Top 500 Songs
Medverkande I følgje Ian MacDonald:
The Beatles Paul McCartney – vokal, piano, bass, harmonium, tamburin, effektar John Lennon – vokal, piano, gitar, congatrommer, klapping George Harrison – korvokal, sologitar, klapping Ringo Starr – trommer, handbjølle
Andre musikarar George Martin – piano, orkesterarrangement Ray Swinfield, P. Goody, Manny Winters – fløyte, pikkolofløyte David Mason – pikkolotrompetsolo Leon Calvert, Freddy Clayton, Bert Courtley, Duncan Campbell – trompet, flygelhorn Dick Morgan, Mike Winfield – obos, engelsk horn Frank Clarke – kontrabass
I august 1987 vart pikkolotrompeten Mason brukte på «Penny Lane» og to andre Beatles-songar («All You Need Is Love» and «Magical Mystery Tour») seld på ein auksjon på Sotheby's for 10 846 amerikanske dollar.
Salslister og salstrofé
Vekeslister Liste (1967)PlasseringAustralske Go-Set National Top 401US Cash Box Top 100. Cash Box magazine. Retrieved 16. juni 2016.1Vest-Tyskland - Media Control-lista1
Årslister Liste (1967)PlasseringCanada21US Billboard55US Cash Box45
Salstrofé
Kjelder
Denne artikkelen bygger på «Penny Lane» frå , den 17. desember 2008. oppgav desse kjeldene:
Bakgrunnsstoff Songen i McSweeneys.net sin serie korte essay om favorittsongar Golden Oldies of Music Video St Barnabas Church – Penny Lane
Kategori:The Beatles-songar Kategori:Songar skrivne av Lennon–McCartney Kategori:Songar produserte av George Martin Kategori:Songar frå 1967 Kategori:Singlar frå 1967 Kategori:Songar på toppen av Billboard-lista Kategori:Nummer-ein-singlar i Tyskland Kategori:Nummer-ein-singlar i Australia Kategori:Nummer-ein-singlar i Canada Kategori:Nummer-ein-singlar i Nederland Kategori:Songar på toppen av VG-lista 449 Kategori:Parlophone-singlar Kategori:Capitol Records-singlar Kategori:Songar om Liverpool Kategori:Barokk pop-songar Kategori:Progressive popsongar Kategori:Ralph McTell-songar Kategori:Paul McCartney-songar Kategori:Judy Collins-songar Kategori:Count Basie-songar Kategori:Al Di Meola-songar Kategori:Songar om vegar Kategori:Songar om nostalgi